Popular Bible Verses from 2 Korinti 9

Share

Anumzamo'a knare huno makazampina asunkuzama'a eri avitermantena, aviteta mani'neta, mika zupa rama'a me'nesnifinti knare tamavu'tmava huta vahe'mofona zamaza hugahaze.

Ana hu'negu magoke magokemotma aminaku'ma hanutma, tamagu'afima amigahune hutma tamagesa antahinesazama'a amiho. Vahe'mo tutu hinketa tamarimpa knazanena omiho. Na'ankure muse huno ami'mofonku, Anumzamo'a avenesie.

Nagra menina amanage nehue, osi'a avimzama nesaza vahe'mo'za, osi'a ana avamente nezana nevasgaze. Hanki rama'a avimaza nesaza vahe'mo'za, ana avamente rama'a nezana nevasgaze.

Anumzamo hozama kri vahe'mofona avimzana nezamino, bretia nezane huno nezamie. Anahukna huno avimzana veva huno erira nehina, fatgo avu'avazantamimo'a rga'a nerena, rama'a nevasageta mago'ane vahe'mofona zamaza hugahaze. Hakare zampina rama'a asomu hunermantena, vahe'ma zmaza hanazana rama'a zmaza nehnageno, Anumzamofona ra agi ami'za susu huntegahaze.

Vahe'mota e'inahu kna nehie huta erinteama osuga muse zama neramiazankura, Anumzamofona susu huntesune.