Popular Bible Verses from 1 Timoti 4

Share

Atregeno mago vahe'mo'a nehza ne' mani'nane huno kagehenkamu otreno, hianagi zamentintima nehza nagatera avame zankna hunka keka'afine, kavu kvapine, zamesi zamante zane, kamentintifine, agru hu'zane, huzmeri hugahane.

Hanki amega tvufa azeri hanaveti hanuna zamo'a, osi'a knafi tza hu'zana eri gahunanagi, Anumza avu'avapi (godliness) maka'za hanuna zamo'a, huhampri'negu meni mani'zampina tza nehuno, henka mani'zampinena tza hugahie.

Kagrama kavukvama nehanazana kegvanegrinka, rempima vahema hunezmina kenena kegva nehunka, maka zupa anazanke hunka nevanankeno'a, Anumzamo kagrira kagunevazino, keka'a antahinamokizmia zmagu'vazigahie.

Hu'neanagi Ruotge Avamumo huama huno nerasmie, mago'a kna esnia knafina mago'amo'za zamentinti atre'za evunerami'za, rezmatagahu avamu'ene, hankro'mofo naneke rempi huzamisage'za zamagesa anteza antahigahaze.

Hu'neanagi kagra maninka tvava'nemofo knihe kerera fra ovazio, hagi kagra knaka'ane, hanaveka'a Anumzamofo avu'avapi kzeri hanavetio.

Nagra egahuanki, hakare vahera zamazeri atru hunka avontafera hamprinka mono nanekea huama hunka rempi huzamio.