Popular Bible Verses from 1 Korinti 13

Share

Avesinte'zana, agazone huno mni'zane, avesinte'zana so'e avu'ava hu'zane, avesinte'zana kenunu hu'za omneno, ra agi eri'zana omne'ne, avesinte'zana avufga ra hu avu'ava hu'zana omne'ne, veganokno'zana omne'ne, agraguke antahi'zana omne'ne, agra ame'ama huno asi ovazi'zane, rumo haviza hunte'nea zanku nontahino agekanino mani'zane.

Avesinte'zamo'a, agazone huno mni'neno maka knazana e'nerino, amentinti nehuno, maka'za fore hugahie huno nentahino, maka knazana erino vu'za me'ne.

Avesinte'zamo'a havi avu'ava'zankura musena nosie. Hagi tamagezanku musena nehie.

Hagi ama'i tagufa'azamo mevava hugahie, amentintihu zane, fore hugahie huno antahi amuha hu'zane, avesinte zane me'ne. Hu'neanagi ana tagufa zampintira, avesinte'zamo agatereno tusi'a zana me'ne.

Avesinte'zamo'a vgaoregahie. Ana hu'neanagi kasnampa ke hu'zamo ene, ru vahe zmageru ru'zamo ene, knare antahintahizamo'a vgaregahie.

Nagrama vahe zmagerupintiro, ankero vahe'mokizimi zmagerura rugahuanagi, vahe'ma avesinte'zama omne'nenke'na, bero'mo ra ageru riankna nehu'na, zavena ahageno ageru riankna hugahue.

Hagi kasnampa ke hu muse'zane mika e'neri'na, Anumzamofo oku antahizama'a e'neri'na, mika knare antahi'zana e'neri'na, nagra mika hanave namentintia hanugeno agona retufega hugahianagi, avesinte'zama omne'nenigeno'a ana miko'za hanua zamo'a amnezankna hugahie.

Hagi nagrama maka'zani'a atre'na, zamunte omne vahe ne'za nezami'na, atresugeno tevefi navufa krefnane hugahianagi, nagripima vahe'ma avesinte'zama omne'nesigeno'a, ana miko'zamo'a amnezankna hugahie.

Ko'ma mofavre'ma mni'norera, mofavremo nehiaza hu'na nanekea nehu'na, antahintahia nehu'na, nagesa antahi'na refko'ma hu'noana mofavremo'za nehazaza hu'noe. Hu'neanagi rama nese'na, mofavre avu'ava'zana atre'noe.