Popular Bible Verses from Ipuru 3

Share

Aku naa tekolie ˻i siku teangi:˼ ‘Ulu pulu kerimene olio kondi topa ‘Kara pangi.’ nimbé kene’ ningu ‘yemboma anjo yando konopume tondolo pupili.’ ningu liku tapondangi. Pulu Yemone “Kinié” nirimu inie olakondo tondu akumu olione alieli “Kinié ulume manda temolo. Kinié manda tondolo mundupu pilimolo.” nilimolo aku walemanga aku sipu nimbu pilipu anjo yando yemboma ungu peangama nimbu siemili. ˻Opali talou nambolka uluri wendo ombánje kene kinié mindi aku teamili.˼

Nanga angokeme, eno yembo molemelemanga tene ˻ou olionga anda-kolepalimene aku teringi mele˼ temba kene kanoko kondoko molaa. Enonga yembo tene ‘Ulu pulu kerime teambo.’ nimbe konopu lipe mundupe yu ˻Pulu Yemone nirimu mele ‘Sike.’ nimbe˼ tondolo mundupe pilimo mele mundupe siye kolopalie yemboma tondolo mundupe nokolemo tondolomo pelemo Pulu Yemo bulu simbe kene kanoko kondoko molaa.

˻Aku nikirumunge pulumu˼ isipe: Olio ‘Pulu Yemone sike lipe tapondomba.’ nimbu pilierimulu mele aku sipu kamu paa tondolo mundupu pilipu ambolopolie kolomulu liemo Pulu Yemone melema Kirasi simbe kinie Kirasini ‘Yunge yemboma simbo.’ nimbe panjerimu melema olio moke tepa simbela akumunge ‘aku siku teangi.’ nikiru.

ou enonga anda-kolepalimene kolea ku lieline ‘Pulu Yemone mumindili kolombanje?’ ningu kara puku ungu nirindume ‘Paa naa pilimolo.’ ningu ta niringi mele naa teayo. Akune ponie tu paono omba pupili eno kanoko molangi nane ˻‘Eno lipu tapondambo’ nimbu˼ ulu tondolo mare terindu nalo kanokolie ‘Pulu Yemone olio uluri naa tembanje, kanopo kanamili.’ ningu nanga ungumu naa pilku ta ningu, ‘na eno nokambo.’ naa niringi.

Angokeme, na kinie pea Kirasinge yembo molemelema, mulu koleana molemo Pulu Yemone eno kepe mako topa ‘Nanga yemboma molangi.’ nilimo yemboma, aku nikiru ungumu ungu sikemo kene Yesusi molemo mele paa konopu kimbu siku molangi. Yu Pulu Yemone “Nanga kongonomo tende-pou.” nimbe lipe mundorumu yemo, akumu Pulu Yemo Popo Tondoli Ye Awili Olandopamola, aku yemo ‘Sike’ nimbu yu molemo mele yemboma temane topo silimolo akumu mimi siku piliengi!