Popular Bible Verses from Filipiz 4

Share

Na vezit nec’het gant netra, met en holl lec’hioù lakait ho koulennoù dirak Doue dre bedennoù hag aspedennoù gant trugarez

ha peoc’h Doue, o trec’hiñ an holl glevidigezh, a viro ho kalonoù hag ho soñjoù e Jezuz-Krist.

A-hend-all, breudeur, kement a zo gwirion, kement a zo onest, kement a zo reizh, kement a zo glan, kement a zo karantezus, kement a zo a vrud vat, hag a zo ennañ ur vertuz bennak hag a zo dellezek a veuleudi, ra zalc’ho an holl draoù-se en ho soñjoù.

Gallout a ran pep tra dre Grist a nerzheka ac’hanon.

En em laouenait bepred en Aotrou, henn lavarout a ran adarre, en em laouenait.

Va Doue a bourvezo d’hoc’h holl ezhommoù hervez e binvidigezh ha gant gloar e Jezuz-Krist.

Ar pezh hoc’h eus desket, resevet, klevet diganin, hag ar pezh hoc’h eus gwelet ennon, grit an traoù-se, hag an Doue a beoc’h a vo ganeoc’h.

Ra vo ho touster anavezet gant an holl dud. An Aotrou a zo tost.

Gouzout a ran bezañ en izelegezh ha gouzout a ran bezañ er fonnder. En holl ha dre holl em eus desket bezañ leuniet ha kaout naon, bezañ er fonnder ha bezañ en dienez.

Ne lavaran ket kement-se abalamour da’m paourentez, desket em eus bezañ laouen gant ar stad m’en em gavan enni.