Popular Bible Verses from Revelesen 4

Share

“Numi Bisel God kabaa. Kapmi aget fugunin uyo, ‘Mufekmufek boyo alugum telelalan-temi o,’ agesap kale, fen kabo mufekmufek boyo telela kolapta, kota albip kalaa age-nulupta, nuyo felepmuta, kapmi tok baga-bom kapmi deng tebe-bom-nulupta, ‘Suguul o,’ agan-kulum o ageta kale, kabo kwiin kiim e minte, titil miit kayaak no kalaa age-nulupta, kapmi aseng uyo kwan-bulup o,” agan-nuubip ko.

Kale minte God imi mufekmufek tinum ke dimduum ke kelin kalbinim alugum maagup maagup bilip iyo bal kun bugup kal kale, bilip imi bal kun tip diim uyo tiin tagang uyo albu e minte, aa mungkup bilip imi bal kun afak tem uyo tiin tagang uyo albu no kale, bilip iyo suun kup mililep so daanin so aseng kup kwaa-bom aseng kwek uyo bogo-nilip e, “Bisel God kabo tambaliim kup tebesap e minte, tol kup tebesap e minte, kabo titil magam kayaak no kale, sugayok uyo suun kup bii-salap e minte, kamano koyo albap e minte, biilan-temu ugol mungkup, suun kup nan-temap no o,” agan-bom-nilipta, aseng uyo kwan-nuubip ko.

Tam maak uyo ki; Jon niyo ilam maak dolita, abiil tigiin uyo faal maak bitobu kalaa ageli ko. Kale siin uyo bigul weng ko age fongket weng ulutap maak bogopnelu tinangkubi kale, asok kanupmin weng ulutap abiil tigiin ilota bogopne-nulu e, “Mitam talapta, biilan-temu umi mufekmufek mitam tolon-temu uyo kafalepkelan o,” agelu e