Popular Bible Verses from 2 Korin 9

Share

Kale God beyo tii alugum mufekmufek tambal uyo ibo kobela atin tii kelan-temip kale, ipmi suun kafin diim kaa nip uyo, mufekmufek boyo nuyo kwiin tagang kuga-e-be kalaa age-nilipta, kapkumal imi kopman-temip uyo utamipta, tii kalaa age-nilip e minte, ilipmi uyo tii kalaa age no keman-temip kale

kanube tinum imi aget fugunin uyo, “Kobeli bole, duumatanan-temi kale, kobelan-temaali o agan-bii kuta, Fol ninggil iyo fomtuup bogobe-nilip, ‘Kobelin o,’ agan-kalip kalaa ageta kobebi o,” age aget iluum tebela umdii, God iyo kanupmin kuguup bomi deng uyo tebeman-temaala kale, God iyo tinum imi deng tebe-bom kupka-emin bomi deng uta fomtuup deng tebeman-tema kale, ibo fek uyo unan-kalin ba kale, alugum maagup maagup ibo ilipmi mani kobelan-temip umi aget uyo tele fuguno-nilipta, bota kobelin o ageta ko.

Kale ipkil boyo tele utamin. Tinum iyo iman ilang uyo katip kela umdii, katip kup undep tal unelan-tema e minte, tinum iyo bisel kela bole, bisel undep tal unelan-tema no kale, mungkup ulutap ibo mufekmufek uyo ipkumal iyo bisel kobelip umdii, God yagal mungkup ibo bisel kobelan-tema kale

Kale tinum iyo unan-kalin san uyo fagaga-bilipta, God iyo tiin mo-bala sengan-nuluta, unan-kalin kwiin tagang uyo abu-buluta, unan-nuubip kale, mungkup, Korin kasel ipkil Kristen unang tinum migik iyo misiim dong daga-eman-temip uyo, God ita ipmi kuguup tambal boyo tiin mo-bala sengan-nuluta, tebe Kristen unang tinum kwiin tagang iyo dong daga-eman-temu kale minte, God iyo ibo mufekmufek uyo suun kup kupka-e-balata, mufekmufek so ke-nilipta, bole, ipkil tii Kristen migik iyo mufekmufek kwiin tagang uyo kuga-eman-temip ko. Kale ipmi mani kobelip kulep unon-temup boyo, kulep no Yuudiya kasel Kristen iyo kobelupta, bomi deng uyo tebe-bom God iyo, “Misam o,” agan-bom no keman-temip ko.

Kale God imi tebe ilami man Yesus ko dobe-se boyo atin kwiin kiim kale, nuyo bagang-kale-nulupta, bomi sang uyo alugum bogolan-temaalup kale, ise boyo God iyo, “Misam o,” agan-bom-nulupta o ageta ko.