Popular Bible Verses from 1 Jon 1

Share

Kale God iyo intap intap sang bogo-nala, “Telela kolan-temi o,” age-se uyo atin telelam-nuuba e minte, tinum imi kuguup kanu-bilip umi tii-nala kupka-em-nuuba boyo tambaliim no kale, kanube nuyo nulumi fengmin uyo kupkem dagaman-temup bole, God iyo numi fengmin uyo kupkabe-nala e bole, numi kuguup mafak uyo alugum takan ke-e-balata, balkat age tambaliim nan-temup ko.

Ale minte kanube nuyo God imi ilagenin diim alba kulutap ke-bom kanumin kanumin kuguup tambal waafulup umdii, alugum nuyo negal kabelal maagup ke-bulupta bole, God imi man Yesus imi kaana isak singkam daa-suu uyo tebe numi fengmin uyo alugum takan ke-e-buluta, balkat age tambaliim nan-temup ko.

Kale kanube nuyo bogo-nulup, “Niyo fengmin binim o,” agelup umdii, boyo numi aget tem uyo bam daalin-tem ke-nulup e minte, God imi tol weng uyo tele utamsaalup uta kam agelan-temup ko.

Kale Yesus Krais bemi weng bogobela tinangku-nulup ipmi baga-em tebesup boyo kulbu kale, God iyo ilagenamin tinum kale, imi diim uyo miliil molin katip umaak albaalu binim kale, beyo atin tambaliim kale, imi diim uyo kuguup mafak umaak albaalu binim ko. Kale kanube nuyo bogo-nulup, “God iso nuso ulimal nuyo maagup kesup o,” agelan-temup kuta, nuyo mililep tem kugol nup ko age kuguup mafak uyo kemup umdii, boyo dam weng uyo tinangku-nulupta, kuguup tambal uyo waafulan-temaalup kale, bisop bagaman-temup kuba.

Kale sugayok uyo God iyo bogo-nala e, “Unang tinum iyo alugum maagup fengmin o,” agesa kuta, kanube nuyo bogo-nulup, “Nuyo maak fenga kosaalup o,” agelup umdii, boyo numi God imi atafi-bom bogo-nulup, “God beyo bisop bagamin o,” agan-kalin kuguup uyo kulbu kale, God imi weng uyo tele utam waafulin-tem ke boyo kam agelup ko.