Popular Bible Verses from An Ginhayag 5

Share

Pakatapos nagkaranta sinda sani na bag-o na kanta, “Angay ka na magkuha san nalulukot na kasuratan kag mag-abri san mga napilitan sa pagkalukot. Kay ginpatay ka, nagbayad ka paagi sa imo dugo san mga katawuhan para sa Dios hali sa tanan na lahi, lenggwahi, rasa kag nasyon.

kag nagakarantaʼn makusog sugad sani, “An ginpatay na Kordero angay na pagalangan, ipahataas kag ipaumaw. Angay man siya na hatagan sin gahom, kayamanan, kadunungan kag kakusugan!”

Ginhimo mo sinda na mga hadi kag mga padi agod magsirbe sa aton Dios, kag magahadi sinda sa kinab-an.”

Tapos, nabati ko man an tanan na ginlalang, an sa langit, an sa duta, an sa hidalom san duta kag an sa dagat. Nagakanta sinda tanan na nabubuhay didi sa kinab-an, “Umawon siya na nagaingkod sa trono, amo man an kordero. Galangan kag mapataas man sinda hasta na lang kag hatagan sinda sin grabe na gahom!”

Niyan, usad sa mga kagurangan na opisyales sa pagtuod an nagsabi sa akon, “Dili ka magtangis kay nanggana an ginatawag Leon na hali sa lahi ni Juda. Siya amo man na ginatawag an Gamot ni David, kaya siya an makaabri san pito na napilitan sa pagkalukot kag makabuklad san kasuratan.”