Popular Bible Verses from 2Mpanjaka 5

Share

Ary i Namàna, komandin’ny miaramilan’ny mpanjakan’i Arama, dia olona lehibe teo anatrehan’ny tompony sady nanan-kaja, satria izy no namonjen’NY TOMPO an’i Arama. Izany lehilahy mahery izany anefa dia boka.

Ary nandefa iraka tany aminy i Elisa hilaza hoe: Mandehana, mandroa impito ao Jordana, dia hody aminao indray ny nofonao ka hadio ianao.

Dia nidina izy ka nisitrika tao Jordana impito araka ny tenin’ny lehilahin’Andriamanitra; ary ny nofony dia tonga tahaka ny nofon-jazakely indray ka nadio izy.

Fa tezitra i Namàna dia lasa nandeha sady niteny hoe: Indro, nataoko fa hanatona atỳ amiko tokoa izy ka hijoro sy hiantso ny anaran’NY TOMPO Andriamaniny sady hanevaheva ny tanany eo ambonin’ny aretina ka hanafaka ny habokana.

Dia nanatona ny mpanompony ka niteny taminy hoe: Ry Ikaky ô! Na dia zavatra lehibe aza no nasain’ny mpaminany ho nataonao, moa tsy mba ho nataonao va izany? Koa mainka va, raha hoy izy aminao: Mandroa dia hadio ianao?

Hoy io tamin’ny tompovaviny: Enga anie ka mba ho ao amin’ny mpaminany izay any Samaria ny tompoko! Fa hanafaka azy amin’ny habokany izy!