Popular Bible Verses from 2 Körin 6

Share

Eöm varih a napan to vavatet nem sih e Kristo. Eöm se koe a kiu vaꞌpeh me ra napan varih to hikta vaman ne poë, eöm se nat nem vatös me nem raoe. Peꞌ a taateꞌ pee to matan ke e non pa teꞌ taateꞌ peöm. A taateꞌ totoopin me a taateꞌ hat to hikta antoen ne a vatös. O maaka, me a popoen to hikta antoen me ne a vatös.

Eꞌ teꞌ vah va non nih, eꞌ antoen kës e non pa ö no a ma tah nöꞌnës se nö ko pet e ne koman a Iuun Hinhin Apuh pe Sosoenën? Ea kurus to teꞌ va e no manih pa Iuun Hinhin Apuh pe Sosoenën toꞌtoꞌ tamoaan. Ivëh, ne Sosoenën to soe suk vavoh manih komön o Puk Vapenpen peꞌ pan, “Eöꞌ se teꞌ vaꞌpeh me noꞌ pee, paröꞌ nönö vaꞌpeh vah me e noꞌ pee. Paröꞌ teꞌ e noꞌ e Sosoenën pee, kee teꞌ e ne a napan peöꞌ.”

Ivëh, ne Sunön to soe suk vavoh manih pan, “Eöm se taki këh maꞌ a napan poë varih. Paröm nat nem vaket ta tah to hikta teꞌ vih non manih pa matan e Sosoenën. Ivëh, köꞌ vaeö ka neöm, paröꞌ vaonöt ka neöm, köm sih teꞌ vaꞌpeh me poꞌ e nem peöꞌ.” “E Sunön A Kikis Vi to soe vamanih pan, ‘Eöꞌ se teꞌ noꞌ e tamëneöm, köm se teꞌ nem o pus koaꞌ oeteꞌ me ro pus koaꞌ mon peöꞌ.’”

E Ieesuꞌ Kristo vapöh kokoman me kës e non pe susun po oraꞌ hat, ha? A teꞌ vëh to vaman non e Kristo, me a teꞌ vëh to hikta teꞌ me non to vaman, ee antoen kës e ne pa teꞌ me to pöh kokoman, ha? Ahik rakah.