Popular Bible Verses from A Tit 1

Share

B yetame tɩ b yaa neb sẽn mi Wẽnde, la bãmb meng n lɛɛg n kɩɩsd-b ne b vɩɩm: ad-y b yaa nin-yoodo, tõatba, neb sẽn ka tõe n maan bõn-sõng ba bilfu.

F ya pʋ-peen-neda, f yɛla fãa tũuda pʋ-peelem sore; f sã n ya nin-dẽgdo la f pa tar tẽebo, bõn-sõng me kõn zĩnd f yĩng ye. B yama la b pʋga zãng sobame.

A modgdame tɩ bũmb ra keoos a zãmsga pʋgẽ ye, a zãmsga tũudame. A tog n tõogame n sagl sagl tɩrse, n tõog n ning kɩɩsdba yãnde.

A sẽn ya Wẽnd zag-gũuda, kãsem-soab tog n yɩɩ nin-tɩrga; a ka mi porbo, a ka mi zẽk-m-menga, a ka mi sũ-puuri, a ka rã-yũuda, a ka baood zaba, a ka baood arzɛk ne zãmb ye. A mii gãag-sobendo, a nong n maana neere, a ka mi pir-pir ye, a mii zemsgo, a yaa wẽn-pʋʋsa, a tõe-la a menga.

Kãsem-dãmba togame n yɩ neb sẽn ka tar yell b zugu; sã n ya kãadma, b kẽe-a la vugr bala la b kamb yaa tẽedba; b pa tõe n dõd-b ne wẽng ye, la b mii sakre.