Popular Bible Verses from Rom Dãmba 6

Share

Yel-wẽnd sẽn wat ne bũmb ninga yaa kũum bala; la Wẽnnaam kũuna sẽn wat ne a soaba, yaa vɩɩm sẽn kõn sɛ, tõnd Soaala Zezi Krista maasmẽ.

Yel-wẽnd ka tog n le rɩ naam y zug ye tɩ y yii Noor zamaanẽ n kẽ sõmblem dẽnnẽ.

Tõnd sẽn deeg soobã, tõnd naaga ne bãmba n mum yaoogẽ, sẽn na n yɩlẽ tɩ Krista sẽn vʋʋg kɩɩms sʋka, Ba Pãng soaba maasem yĩnga, bɩ tõnd me paam n vɩɩnd vɩɩm paalga.

Da sak-y tɩ y yĩnga wils lebg yel-wẽnd zab-teed ye. Dɩk-y y mens n kõ Wẽnd tɩ y yaa bõn-kɩɩms sẽn lebg nin-vɩɩse. Dɩk-y y yĩnga wils n kẽ Wẽnd tãpẽ n zab sõmblem zabre.

D bãng tɩ b naaga tõnd yĩn-kʋdrã n ka pik ne Krista, sẽn na n yɩlẽ n woog a wẽnema pãnga tɩ d da le yɩ yel-wẽnd yems ye.

Dɩlla yãmb me ges y meng marsã wa neb sẽn ka le kĩ ne yel-wẽnde, la y vɩɩnd Wẽnnaam kamb vɩɩm tõnd Soaala Zezi Krista maasmẽ.

M na n yeelame tɩ bõe? Tɩ d kell n pa yel-wẽnd pʋgẽ tɩ Wẽnnaam nimbãan-zoeerã tõog n yɩ wʋsgo d yĩnga? Ayoo! Tõnd sã n lebg bõn-kɩɩms yel-wẽnd yĩnga, d na n yɩɩ wãn n le vɩɩnd a pʋgẽ?

Y ka mi tɩ y sã n bas tɩ ned kẽes y yembd pʋgẽ, y sɩd lebga yẽ yem-daoogo? Y sã n lebg wẽng yem-daado, y kũum la y bao yã, y sã n tũud Wẽnnaam, y manegr la y paam yã.

Wẽnd paam barka tɩ y sẽn da ya yel-wẽnd yembs pĩnda, y sakame n deeg zãmsg ninga b sẽn zãms yã, n yi yel-wẽnd soolmẽ n kẽ sõmblem zamaanẽ.