Popular Bible Verses from Sõadga 16

Share

La Soaala sã n maan bõn-bãnde, tẽnga sã n yaag a noor n vel bãmba ne b sẽn so fãa tɩ b sig vɩɩs bʋg-tẽngẽ, y na bãng tɩ b ra paooga Soaala-Wẽnde.» A Moyiiz pa yãe n gom n baase la tẽnga sẽn wurg b taoore. Tẽnga noor yaagame n vel-ba, bãmb ne b zak rãmba. Yɩɩ boto me ne neb nins sẽn da kẽed a Kore wã.

A Kore yaa a Yisear biiga, t'a Yisear yaa a Keyat biiga, t'a Keyat yaa a Levi biiga. Yẽ n tõg-tõg a Datã ne a Abiram, a Eliyab kamba, n paas a On, a Pelɛt biiga, a Rubẽ yagenga. B naaga ne Israyɛl kamb kobs-yi la pis-nu n yik zabr ne a Moyiiz. Nin-bãmba da yaa buud kãsem-dãmba la b yʋʋr da yii b taaba sʋka.