Popular Bible Verses from A Mark Sõng 13

Share

Mam yĩnga, neb fãa na n kisga yãmba. La ned ning sẽn na n tall a tẽeb kẽnkẽ n ta namsga tɛka, yẽ soab na n fãaga a menga.

Gũus-y wakat fãa la y ra bao vʋʋsg ye tɩ yãmb ka mi wakat kãng taab daar ye.

B sã n wa yõg yãmba n kẽng bʋ-kaoodb taoore, bɩ y ra bʋ y sẽn na n leok bũmb ninga poorẽ ye. Bũmb ning sẽn na n wa yãmb yamẽ wakat kãnga, yaa bõn-kãng la y na n leoke. Pa yãmb mens n na n gom wakat kãng ye, yaa a Vʋʋsem Sõng n na n gom yãmb zĩigẽ.

Yĩngr la tẽng na n loogame la mam goama kõn loog ye.

Sã n yaa daara taki wã, ned ba a ye ka mi ye. Malɛk rãmb sẽn be yĩngr ka mi ye. Ned Biiga me ka mi daar kãng ye. Yaa Ba n mi bala.

Yãmb sã n wʋm tɩ b gomd zabr yelle, bɩ y sã n wʋma zabr rãamde, bɩ y ra zoe rabeem ye. Rẽ fãa na n deng waame la nan ka dũni sɛɛb ye.

Yãmb me, gũus-y tɩ y pa mi yir soab waoong wakat ye. A na n waa yʋn-sʋka, tõd-beoogo, no-raoog kɛlenga, bɩ yibeoogo, y ka mi ye. A sẽn na n wa wakat ning fãa, sõng-y t'a ra mik tɩ y gõeeme ye. M sẽn gomdã yaa yãmb fãa la m gomd ne: gũus-y.»

Buud a yembr neba na n maana zabre ne bu-zẽnd dãmba, soolem a ye rãmba na n yika zabr ne soolm a to neba. Zĩis kẽere tẽnga na miimame; kom na n zĩnda wakat kãnga, bɩ y bãng tɩ rogma waasg n sɩnge.

La yaa modgr tɩ Koe-nooga reng n moon zĩis fãa tɩ neba wʋm-a.

Neb wʋsg na n waa mam yʋʋr yĩnga n yetẽ: ‹Yaa maam la Krista,› la b na tudga neb wʋsgo.

Gũus-y y mense. B na yõka yãmb n kẽng bʋ-kaoodba nengẽ; b na n pãba yãmb ne kaase karen-dot pʋsẽ; b na n talla yãmb n kẽng tẽnga nanams la dĩm dãmb taoore, la b na n kẽes-y la bʋʋdo, y sẽn tũud maama poorẽ.

Zirẽ-be-neba, zirẽ-be-bãngdba na n zĩnda wʋsg wakat kãnga. B na n maana bõn-bãna la makr dãmb wʋsgo n tudg nin-sõma wã menga sã n da tõeẽ.

Dasem kãense, sũ-beed kãsenga sã n wa looge, wĩntoog bugum na n kiime, kiuug kõn le kõ vẽenem yɛs ye. Ãds na n vigsame n dʋʋge, la yĩngr pãensa fãa na menemame.