Popular Bible Verses from A Matiye Sõng 6

Share

Deng-y n bao-y arzãn Rĩungã ne a sõmblem tɩ sẽn keta fãa b na kõ-y rẽ wa lɛnga.

Da sũk-y beoog poorẽ tɩ beoog na baoo a rẽnna. Daar fãa ne a zɩɩbo, sekd-a lame.

Yaa rẽ yĩng la m yet-y: da bʋ-y y vɩɩma poorẽ, n sokd-y y sẽn na n dɩ bũmb ning ye; la y ra bʋ y yĩnga poorẽ n sokd-y y sẽn na n yeelg fuug ning ye. Vɩɩma ka yɩɩd dɩɩbo la yĩnga ka são fuugu?

Fo sã n pʋʋsdẽ bɩ f kẽ f roogẽ n lɛɛg n pag f kʋɩlenga la f pʋʋs f Ba, lillẽ, tɩ f Ba sẽn ne likẽ wã na rol-fo.

Dẽ yĩngã pʋʋs-y woto: ‹Tõnd Ba sẽn be arzãnẽ, y yʋʋr paam pẽgre, tɩ y Rĩung yalse, tɩ b maan y yam tẽng zug, wẽnd b sẽn maand arzãna.

Kõ-y tõnd dũnna d beoog-beoog fãa rɩɩbo.

Kõ-y tõnd d yel-wẽna sugri wẽnd d sẽn kõt d taab sugri

la y ra bas tɩ d lʋɩ kʋɩɩbg pʋgẽ ye la y fãgd-d wẽnem soaba nugẽ.›

N-ye! Yãmb sã n kõ y taab sugri, y Ba sẽn be arzãna me na kõ yãmb sugri.

Ges-y luiili sẽn yɩgd yĩngri: b ka bʋte, b ka kẽebde, b ka suiid baoorẽ ye, la y Ba sẽn be arzãna dɩlgd-b lame. Yãmb pa yɩɩd bãmb sɩda?

Tẽng zug ka, bɩ y ra tigs arzɛk ye tɩ bugd la zũnzũur dɩtame, tɩ wagdb pood roto n zuuda. Tigs-y y arzɛka arzãnẽ, tɩ be, bugd la zũnzũur ka n dɩtẽ ye la wagdb me ka pood n zuud ye. F arzɛk sẽn be zĩig ninga, be me la f sũura na n zĩndi.

Ned ka tõe n maan zu-soaben-dãmb a yiib raab ye, f na kisga a ye, n nong a ye, f na n basa a ye n tũ a ye. Yãmb me ka tõe n pʋg Wẽnnaam la y pʋg Ligd ye.

Wẽnd sã n yeelgd pʋt mood woto, bũmb sẽn be rũnna n na n yɩ bugum dɩɩb beoogo, b kõn maan tɩ yɩɩg boto yãmb yĩnga, tẽeb kɩdg rãmba?

Fo sã n dat n yols ned nimbãanega bɩ f ra sak tɩ f goabg bãng f rɩtg sẽn maand bũmb ning ye. Woto ned kõn bãng fo sẽn maan-a ye la f Ba Sõng sẽn ne likẽ wã na rol-fo.

Gũus-y n da maan y tʋʋm sõma neb a taaba taoore nagr yĩng bal ye. Ka rẽ y kõn paam dolbo y Ba sẽn be arzãna nengẽ ye.

Y sã n loet y noor bɩ y ra gãnem y neng wa zãmb rãmba sẽn maanda ye; b takda b nenga tɩ neba tõog n yãe tɩ b sɩd maanda no-loeere. M yet-y lame tɩ b zoe n paama b rolbo. Fo sã n loet f noore bɩ f zɛ f zug kaam la f pek f nenga, woto ned kõn bãng tɩ f loee noore sã n ka f Ba wã bal sẽn yɛs lillẽ wã, la bãmb sẽn ne likẽ wã na rol-fo.