Popular Bible Verses from Galat Rãmba 5

Share

Ad Vʋʋsem sõng sẽn womd biis niynsi: to nonglem, sũ-noogo, laafi, sũ-tõogo, taab sõngre, kõt yaare, taab teegre, sũ-bʋgsem, tõog-m-menga. Noor ka be n gɩdg bõn-sõma a woto ye.

Bɩ y sak tɩ Wẽnd Vʋʋsem gãd yãmba tɩ y na bas y yĩnga raaba pʋgbo.

A Vʋʋsem Sõng sẽn ya tõnd vɩɩma, bɩ b sõng d me tɩ d tʋm.

Neb niyns fãa sẽn lebg-b Krista a Zezi soolem, bãmb dãmb rɩka b zʋg wẽngã n ka pik zugu ne a tʋls wẽnsa fãa.

Yĩnga sẽn womd biis niynsã, y mi-b-la fãa: ad pagb yõgbo, yoobo, rataado, wẽn-yaals pʋgbo, tɩt rɩɩbo, kisgu, mo-beedo, sũ-kiiri, sũ-puuri, zaba, zems-taab-kaalem, welegre, to paoong tʋlsem, rɩt-n-pa yɛɛdẽ, yũud-n-pa-roogdẽ la yɛl a taab sẽn wẽnd rẽ — la m togsdame wa m sẽn zoe n togsã tɩ yel-maandb a woto buud ka paamd Wẽnd Rĩunga pʋɩɩr ye.

Sã n ya yãmba, m saam-biisi ad-y b ratame tɩ y yɩ burkĩmbi, gũus-y bala tɩ y burkĩndlema da wa lebg yĩnga maan a sẽn dat ye. Y burkĩndlema waa ne to nonglem, n kɩt tɩ ned kam fãa sõngd a to.

Yãmb mi tɩ yĩnga maanda sũ-kiir ne Wẽnd Vʋʋsem tɩ Wẽnd Vʋʋsem me maand boto ne yĩngã; bãmb b yiiba zabda taaba; ya rẽ yĩng la yãmb pa tõe n tʋm y yam ye.

Noya fãa pidsa noor a ye pʋgẽ: «Nong f to n wẽnd f menga.»

D da bao yʋ-yaals ne wags taab ye, la d da maan sũ-ki-yaals ye.

Krista fãaga tõnd tɩ d kell n vɩɩnd ne d burkĩndlem; dɩlla bɩ d da bas raood ye la d da leb d pĩnd yemdẽ ye.