Popular Bible Verses from 1KORẼNT RÃMBA 12

Share

Yaa buuda zãng yĩnga la a Vʋʋsem Sõng pʋɩt b kũuna.

Sã n ya yãmba, yãmb yaa Krista yĩnga la ned kam fãa yaa wilg n be a zĩigẽ.

Toog n tar wilg a ye, wilsa fãa naagda yẽ n tar toogo; wilg a ye paama waoogre, yaa b fãa sũ-noogo.

A Vʋʋsem Sõng kõta nin-yend t'a tõog n zulg gomde; n kõt a to t'a wegs n togs gomde; nin-yend paamda tẽebo ne a Vʋʋsem Sõng pãnga, t'a to paamd bãas sãoogr kũuni Vʋʋsem Sõng yɛnga nengẽ. Nin-yend paamda wẽnd makr dãmb kũuni, t'a to paamd beoog bãngr kũuni; nin-yend paamda a taab pʋg bãngre, t'a to ya goam buud toɛ-toɛ wɩlengo, t'a to ya b võor togsgo.

La rẽ fãa yaa Vʋʋsma a ye tʋʋmde, bãmb n pʋɩt b yam, ned fãa ne a rẽnna.

Woto yĩnga wils zãaga taab ne welegre, tɩ wilg kam fãa be-la a to yĩng zãng-zãnga.

Yaa sɩda, a Vʋʋsem Sõng kũuna yaa toor-toore la yaa zĩ-yɛng la b yita. Pʋɩɩba yaa toor-toore la Pʋɩta ya Soaal yɛnga, tʋʋma yaa toɛ-toɛ la yaa Wẽnnaam b ye bal n tʋmd fãa d fãa pʋsẽ.

Wẽnd sẽn yãk b rãmb Tigenga yĩnga, pipi yaa tʋʋm-tʋmdba, a yiib soaba, bãngdba, a tãab soaba, karen-saam-dãmba. B kõo kẽer tõog tɩ b maand bõn-bãna, kẽer yaa sãoogre, kẽer yaa naong rãmb yaoogre, kẽer kʋʋnga zãabo, kẽer goam buud toɛ-toɛ wɩlengo.

Yĩnga ka wilg a ye ye, b yaa kʋʋma.

Yɩɩd rẽ, b sẽn get wils niyns wa bõn-mɛdsã, bãmb me tara b tʋʋmde

Yĩnga fãa sã n dag n yaẽ nifu, tʋbra yaẽ la bʋgo? Fãa sã n dag n yaẽ la tʋbr bala, bõe n yɩtẽ yõore? Wẽnd n sel wilsã yĩngẽ, wala b sẽn tʋlge. Yĩnga tõr sã n dag n yaẽ la wilg a ye, yĩnga wẽndẽ la bõe?