Popular Bible Verses from Loo 8

Share

Peb paub tas txhua yaam xwm txheej puavleej ua qhov zoo rua cov kws hlub Vaajtswv yog cov kws Vaajtswv hu lawv le nwg xaav tseg lawd.

Tsua qhov kuv ruaj sab tas txawm yog kev tuag lossws txujsa lossws cov tubkhai ntuj lossws tej timtswv lossws tej xwm txheej tam nuav lossws tam peg suab lossws tej fwjchim, lossws qhov kws sab kawg lossws qhov kws tub kawg lossws ib yaam daabtsw kws tau tswm lug nuav yuav cais tsw tau peb ntawm Vaajtswv txujkev hlub kws muaj huv peb tug Tswv Yexu Kheto hlo le.

Ib yaam le ntawd, Vaaj Ntsuj Plig paab peb rua thaus peb tsw muaj zug. Tsua qhov peb tsw paub tas tswm nyog peb thov daabtsw ntawm Vaajtswv, tassws Vaaj Ntsuj Plig sawv peb chaw thov nroo quas lawg tsw muaj lug has le.

Yog le ntawd, peb yuav has le caag txug tej nuav? Yog Vaajtswv tuaj peb tog lawm leejtwg yuav tawm tsaam tau peb?

Vem le nuav tsw muaj kev rau txem rua tug kws nyob huv Yexu Kheto

Qhov kws muab lub sab rau rua nqaj tawv kuj yog kev tuag. Qhov kws muab lub sab rau rua Vaaj Ntsuj Plig kuj yog txujsa hab nyob kaaj sab lug.

Tassws huv txhua yaam xwm txheej nuav peb kov yeej hlo vem yog muaj tug kws hlub peb kawg.

Kuv pum tas tej kev tswm txom kws raug nwgnuav tsw tswm nyog muab pev rua tej koob meej kws yuav tshwm lug rua peb yaav peg suab.

Leejtwg yuav muab peb cais tau ntawm tug Kheto txujkev hlub? Txawm yog kev ceblaaj, kev txom nyem, kev tswm txom, kev tshaib nqhes, kev khaub hlaab, tej xwm txheej phem lossws nav ntaaj nav rag yuav cais tau lov?

Hab Vaajtswv kws tshuaj saib tuabneeg lub sab kuj paub Vaaj Ntsuj Plig lub sab, tsua qhov Vaaj Ntsuj Plig yeej thov Vaajtswv paab cov xuv dawb lawv le Vaajtswv lub sab nyam.

vem tas Vaajtswv tug Ntsuj Plig coj leejtwg tug hov txhad yog Vaajtswv le mivnyuas.

Cov kws ua lub neej lawv le nqaj tawv kuj kub sab rua tej kws yog nqaj tawv le xwb, tassws cov kws ua lub neej lawv le Vaaj Ntsuj Plig kuj kub sab rua tej kws yog Vaaj Ntsuj Plig le.

Tug kws tsw khauvxwm nwg tug Tub tassws muab nwg tug Tub theej peb txhua tug, nwg yuav tsw muab txhua yaam nrug tug Tub hov pub dawb rua peb hab lov?

Vaaj Ntsuj Plig nrug peb tug ntsuj plig ua timkhawv tas peb yog Vaajtswv le mivnyuas. Yog peb ua mivnyuas lawm peb kuj yog tug kws saws qub txeeg qub teg, yog peb saws Vaajtswv le qub txeeg qub teg hab koom nrug Kheto saws. Yog peb nrug Yexu raug kev tswm txom peb kuj yuav nrug Yexu tau koob meej ib yaam nkaus.

Tsua qhov lub sab kws muab rau rua nqaj tawv kuj ua yeeb ncuab rua Vaajtswv, tsw ca Vaajtswv txuj kevcai kaav nwg, nwg yeej ua tsw tau hlo le.

Tej kws tswm lug lawd tog ntsoov Vaajtswv cov mivnyuas tshwm lug.

Peb paub tas txhua yaam kws tswm lug saamswm ntsaaj quas lawg ua mob teb yaam le tug quaspuj yuav yug mivnyuas lug txug naj nub nwgnuav.