Popular Bible Verses from Loo 14

Share

Tsua qhov Vaajtswv lub tebchaws tsw yog kev noj kev haus, tassws yog qhov kws ncaaj nceeg hab nyob kaaj sab lug hab txujkev xyiv faab kws nyob huv Vaaj Ntsuj Plig kws dawb huv. Tug kws ua koom rua Kheto lawv nraim le nuav kuj ua hum Vaajtswv lub sab hab tuabneeg kuj fwm nwg.

Yog peb muaj txujsa nyob kuj yog nyob rua tug Tswv, hab yog peb tuag kuj yog tuag rua tug Tswv. Yog le ntawd txawm yog peb muaj txujsa nyob lossws tuag moog lawm los peb yeej yog tug Tswv le.

Yog le nuav ca peb fuas quas tso ua tej kws ua kuas muaj kev sws hum xeeb hab ua tej kws ua rua ib leeg txhawb ib leeg tug zug.

Yog le nuav peb ib leeg tsw xob txav txem tas ib leeg txhum, tassws peb yuav tsum txav sab tas yuav tsw ua ib yaam daabtsw ua rua lwm tug dawm lossws taav lwm tug kev mas zoo dua.

Tsua qhov muaj lug sau ca has tas, “Tug Tswv has tas, ‘Kuv yeej muaj txujsa nyob, txhua lub hauv caug yuav pe kuv hab txhua tug nplaig yuav qhuas Vaajtswv.’ ” Yog le nuav peb txhua tug nyag yuav tsum has nyag zaaj rua Vaajtswv.

Mej yuav tsum txais tug kws kev ntseeg yau, tsw xob sws caam rua tej kws nyag lub sab xaav.

Koj yog leejtwg es koj yuav txav txem rua lwm tug le tub qhe? Tug tub qhe yuav sawv ntseg lossws yuav qaug kuj nyob ntawm nwg tug lospaav. Nwg yuav sawv ruaj khov tsua qhov Vaajtswv muaj peevxwm ua rua nwg sawv ntseg tau.