Popular Bible Verses from Loo 10

Share

Yog koj lub ncauj leeg has tas Yexu yog tug Tswv hab lub sab ntseeg tas Vaajtswv tub tsaa Yexu sawv huv qhov tuag rov lug, koj yuav dim.

Qhov kws lub sab ntseeg txhad le suav tas ncaaj nceeg, qhov kws lub ncauj leeg txhad le dim.

Yog le nuav txujkev ntseeg tshwm lug ntawm qhov kws tau nov, hab qhov kws tau nov kuj yog tshwm lug ntawm qhov kws tshaaj tawm txug Kheto.

Vaajtswv phoo ntawv has ca tas, “Txhua tug kws ntseeg nwg yuav tsw raug txaaj muag.” Cov Yutai hab cov Kili kuj tsw txawv qhov twg. Tug Tswv ib leeg yog suavdawg tug Tswv hab pub nplua quas mag rua txhua tug kws thov nwg. Vem tas “Txhua tug kws tuav tug Tswv lub npe thov yuav dim.”

Hab yog tsw muaj leejtwg khaiv moog, puab yuav ua le caag moog tshaaj tawm tau? Lawv le kws muaj lug sau ca has tas, “Cov kws pav txuj xuv zoo txhais kwtaw zoo nkauj kawg.”

Cov kws tsw tau ntseeg tug Tswv yuav ua le caag thov tau nwg? Hab cov kws tsw tau nov txug nwg yuav ua le caag ntseeg tau nwg? Thaus tsw muaj leejtwg tshaaj tawm, puab yuav ua le caag tau nov?

Tsua qhov tug Kheto yog qhov kws kawg nkaus ntawm txuj kevcai sub txhua tug kws ntseeg txhad tau kev ncaaj nceeg.