Popular Bible Verses from Mathai 7

Share

“Ca le thov mas yuav muab rua mej, ca le nrhav mej txhad ntswb, ca le khob mas yuav qheb rua mej.

Tsua qhov txhua tug kws thov kuj yuav tau, tug kws nrhav kuj ntswb, hab tug kws khob kuj qheb rua nwg.

“Vem le nuav, txhua tug kws tau nov kuv tej lug nuav hab ua lawv nraim, puab zoo le tug kws muaj tswvyim ua nwg lub tsev rua sau daim laag zeb.

Txhua yaam kws mej xaav kuas lwm tug ua rua mej, mej ca le ua ib yaam le ntawd rua lwm tug. Qhov ntawd yog Mauxe txuj kevcai hab yog cov xwbfwb cev lug tej lug qha.

Lub qhov rooj nqaim hab txujkev miv kws coj moog txug txujsa, mas cov kws nrhav tau kuj muaj tsawg heev.

“Mej yuav tsum nkaag lub qhov rooj nqaim moog, tsua qhov lub qhov rooj daav hab txuj nam kev luj coj moog txug kev puam tsuaj, mas cov kws nkaag lub qhov rooj hov muaj coob coob.

Yog le nuav mej cov kws yog tuabneeg phem los mej tub paub muab tej yaam kws zoo rua mej tej mivnyuas, mej leej Txwv kws nyob sau ntuj yimfuab yuav muab tej yaam kws zoo rua cov kws thov nwg.

“Mej tsw xob txav txem rua luas mej txhad tsw raug txav txem. Tsua qhov mej txav txem rua luas le caag mej yuav raug txav txem le ntawd. Mej muab lub thoob twg luj rua luas, yuav muab lub thoob ntawd luj rov rua mej ib yaam nkaus.

Tassws txhua tug kws nov kuv tej lug los tsw ua lawv nraim, puab zoo le tug tuabneeg ruag kws ua nwg lub tsev rua sau tej xuab zeb.

Ua caag koj yuav pum qhov nyuas moov ntoo huv koj tug kwvtij lub qhov muag, tassws koj tsw quav ntsej txug tog nam ntoo kws nyob huv koj lub qhov muag? Ua caag koj yuav has tau rua koj tug kwvtij tas, ‘Ca kuv so qhov nyuas moov ntoo tawm huv koj lub qhov muag,’ tassws tseed muaj ib tog nam ntoo nyob huv koj lub qhov muag?

“Mej yuav tsum ceev faaj cov cuav xwbfwb cev Vaajtswv lug kws naav tsoog plaub yaaj tuaj cuag mej tassws puab lub sab limham le maa. Mej yuav saib puab cov txwv zoo le caag mej txhad paub puab. Cov txwv maab yuav de tau ntawm tsob ntoo xuav paug lov? Lossws txwv cua de tau ntawm tsob xuav paug xaab neej tsaav lov?

Txhua tsob ntoo zoo yeej txw txwv zoo, tsob ntoo phem yeej txw txwv phem.

Tsob ntoo zoo yeej txw tsw tau cov txwv phem, tsob ntoo phem yeej txw tsw tau cov txwv zoo.

Txhua tsob ntoo kws tsw txw txwv zoo yuav raug muab ntuv pov rua huv cub suavtawg.