Popular Bible Verses from Mathai 12

Share

Kuv has rua mej tas, tuabneeg yuav tsum leeg txhua lu lug tsw muaj qaabhau kws puab tau has lawd rua nub kws teem txem. Koj yuav dim lub txem lossws yuav raug txem kuj nyob ntawm koj lu lug has xwb.”

Cov nam noob naab phem, mej yog tuabneeg phem, mej yuav ua le caag has tau lug zoo? Tsua qhov lub qhov ncauj yeej has tej kws puv nkaus huv lub sab tawm lug.

Tug tuabneeg zoo yeej rhu yaam zoo huv nwg lub txhaab kws khaws yaam zoo ca tawm lug, tug tuabneeg phem yeej rhu yaam phem huv nwg lub txhaab kws khaws yaam phem ca tawm lug.

Vem le nuav kuv has rua mej tas, txhua yaam kev txhum hab tej lug kws has lug tuam mom yuav zaam tau rua tuabneeg tassws tej lug kws has tuam mom Vaaj Ntsuj Plig yuav zaam tsw tau hlo le.

“Yuav tsum yog tsob ntoo zoo cov txwv txhad zoo, yog tsob ntoo phem cov txwv kuj phem. Yuav pum cov txwv txhad paub tsob ntoo.