Popular Bible Verses from Tswv Dim 7

Share

Yawmsaub has rua Mauxe tas, “Ua le nuav nawj, kuv tsaa koj ua zoo le Vaajtswv rua Falau, mas koj tug tijlaug Aloo yuav ua tug kws cev koj le lug.

Tassws kuv yuav ua rua Falau lub sab tawv. Txawm yog kuv ua kuv tej txujci tseem ceeb hab txujci phemfwj tshwm rua huv Iyi tebchaws ntau zuj zug, los Falau yuav tsw noog meb has. Mas kuv yuav tsaa kuv txhais teg ntaus Iyi tebchaws hab rau txem nyaav txhad coj tau kuv cov tuabneeg Yixayee tawm huv Iyi tebchaws moog lawv le puab tej paab tej pawg.

Cov Iyi yuav paub tas kuv yog Yawmsaub rua thaus kuv tsaa kuv txhais teg tawm tsaam Iyi tebchaws hab coj cov Yixayee tawm huv puab moog.”

Falau txawm hu cov kws txawj ntse hab cov kws txawj ua khawv koob yeeg swv tuaj. Puab yog Iyi cov kws txawj ua yeeg swv mas puab swv puab tej khawv koob ua tau zoo ib yaam le ntawd hab. Thaus puab nyag taug nyag nrum paas nreg tes tej paas nreg hov kuj txa ua naab huvsw hab, tassws Aloo tug paas nreg muab puab cov paas nreg nqog taag huvsw lawm.

Yawmsaub has le nuav tas, Koj yuav paub tas kuv yog Yawmsaub tsua qhov kws ua le nuav. Saib maj, kuv yuav xuas tug paas nreg kws nyob huv kuv txhais teg nplawm tug dej Nai, mas dej yuav txa ua ntshaav.

“Thaus Falau has rua meb tas, ‘Ca le ua txujci phemfwj rua kuv saib,’ mas koj ca le has rua Aloo tas, ‘Muab tug paas nreg nrum rua ntawm Falau xubndag,’ tug paas nreg yuav txa hlo ua ib tug naab.” Mauxe hab Aloo txhad moog cuag Falau hab ua lawv nraim le Yawmsaub has. Aloo muab nwg tug paas nreg nrum nroog rua ntawm Falau hab nwg cov tub teg tub taw xubndag, mas tug paas nreg txa hlo ua ib tug naab.