Popular Bible Verses from 2 Khaulee 1

Share

Qhuas Vaajtswv kws yog peb tug Tswv Yexu Kheto leej Txwv, yog leej Txwv kws muaj lub sab taab ncuab hab yog Vaajtswv kws txhawb sab txhua yaam. Nwg txhawb peb lub sab rua txhua yaam kev ceblaaj kws peb raug sub peb txhad muab qhov kws Vaajtswv txhawb peb lub sab hov moog txhawb tau cov kws raug ceblaaj lub sab tsw has yaam twg.

Vem peb koom nrug Kheto tej kev txom nyem ntau npaum le caag, peb kuj koom kev txhawb sab rua huv Kheto ntau npaum le ntawd.

Qhov tseeb peb xaav tas peb tub raug txav txem tuag lawm. Tej nuav ua rua peb tsw xob ca sab rua peb tug kheej tassws ca sab rua Vaajtswv kws tsaa cov tuabneeg tuag caj sawv rov lug.

Tug kws ua rua peb nrug mej nyob ruaj rua huv Kheto hab tug kws tsaa peb yog Vaajtswv. Vaajtswv nas lub hom thawj rua peb hab pub Vaaj Ntsuj Plig rua huv peb lub sab ua puav pheej.

Qhov kws peb raug ceblaaj kuj yog ua rua mej tau txais kev txhawb sab hab tau txujkev dim. Hab qhov kws peb tau txais kev txhawb sab kuj ua rua mej tau txais kev txhawb sab tsua qhov kws mej tiv kev txom nyem ib yaam le peb tiv ntawd.