Popular Bible Verses from 1 Khaulee 9

Share

Txhua tug kws sws tw dha yuav tsum tswj puab lub cev rua txhua faab. Puab ua kuas tau lub mom paaj ntoos kws txawj zeeg tassws peb ua kuas tau lub mom paaj ntoos kws tsw txawj zeeg. Yog le hov kuv tsw yog laam dha tsw muaj hom phaj, kuv tsw yog ntaus nrwg yaam le tug kws ntaus cua xwb.

Tassws kuv ntaus kuv lub cev hab tswj ca, ntshai tsaam thaus kuv tshaaj tawm txuj xuv zoo rua lwm tug lawm kuv tug kheej tsw nrug luas tau tej tshaav ntuj hov.

Mej tsw paub lov? Cov kws sws tw dha suavdawg yeej dha tassws tsuas yog tuab tug txhad tau tshaav ntuj xwb. Mej yuav tsum dha tag kuas tau tshaav ntuj.

Kuv ua yaam le tug kws qaug zug rua huv cov kws qaug zug sub txhad coj tau cov kws qaug zug lug. Kuv yeem ua txhua yaam tuabneeg rua txhua tug sub txhad swv txhua txujkev paab tau qee leej dim.