Popular Bible Verses from 1 Khaulee 15

Share

Vem le nuav, cov kwvtij kws kuv hlub, ca le nyob ruaj khov, tsw xob ywj faab ywj fwj, ca le ua tug Tswv teg num puv npo txhua lub swjhawm hab paub tas tej num kws mej ua rua huv tug Tswv tsw taag dawb taag do.

Ua Vaajtswv tsaug nwg pub peb kov yeej vem yog peb tug Tswv Yexu Kheto.

Tsw xob yuam kev. “Qhov kws nrug cov tuabneeg phem ua ke yeej yuav rhuav qhov kws yug ua zoo.”

Vem yog Vaajtswv txujkev hlub kuv txhad tau nyob le kws nyob nuav hab qhov kws Vaajtswv hlub kuv tau muaj qaabhau heev. Kuv ua num khwv dua puab suavdawg tassws tsw yog kuv tug kheej ua, yog Vaajtswv txujkev hlub kws nrug nraim kuv ua.

“Txujkev tuag 'e, koj txujkev kov yeej dua twg lawm? Txujkev tuag 'e, koj tug taug dua twg lawm?” Txujkev tuag tug taug yog lub txem hab lub txem tug fwjchim yog Mauxe txuj kevcai.

Saib maj, kuv yuav qha ib zaaj kws muab npog ca lawd rua mej. Peb suavdawg yuav tsw tsaug zug taag huvsw, tassws peb txhua tug yuav raug plhis dua tshab, rua tuab plag tuab ntsais muag xwb rua thaus tshuab raaj xyu zag kawg. Tsua qhov yuav tshuab raaj xyu mas cov kws tuag taag lawd yuav raug tsaa caj sawv rov lug tsw txawj lwj hab peb yuav raug plhis dua tshab.

Vem tas txujkev tuag tshwm ntawm ib tug tuabneeg lug le caag, mas qhov kws caj sawv huv qhov tuag kuj tshwm ntawm ib tug tuabneeg lug ib yaam nkaus le ntawd. Vem tas txhua tug nyob huv Ataa txhad le tuag, mas txhua tug kws nyob huv Kheto yuav caj sawv rov lug ib yaam le ntawd.

Yaam kws txawj lwj yuav tsum naav yaam kws tsw txawj lwj, hab yaam kws yuav tsum tuag yuav tsum naav yaam kws tsw txawj tuag.

Tsua qhov Kheto yuav tsum kaav moog txug thaus Vaajtswv muab txhua tug yeeb ncuab txu nyob huv qaab Kheto xwb taw. Tug yeeb ncuab kawg kws yuav muab ua kuas puam tsuaj yog txujkev tuag.