Popular Bible Verses from 1 Khaulee 1

Share

Tassws Vaajtswv xaiv cov kws ruag huv lub nplajteb sub txhad ua rua cov kws muaj tswvyim txaaj muag. Vaajtswv xaiv cov kws tsw muaj zug huv lub nplajteb sub txhad ua rua cov kws muaj zug txaaj muag.

Zaaj kws has txug tug khaublig ntoo yog kev ruag rua cov kws saamswm puam tsuaj tassws yog Vaajtswv tug fwjchim rua peb cov kws saamswm dim.

Vem qhov kws Vaajtswv ruag tseed muaj tswvyim luj dua tuabneeg tug tswvyim, hab qhov kws Vaajtswv tsw muaj zug tseed muaj zug luj dua tuabneeg tug zug.

Vaajtswv kws hu mej lug nrug nwg tug Tub Yexu Kheto kws yog peb tug Tswv sws raug zoo yog tug ncaaj kws peb tso sab tau.

Cov kwvtij, kuv tuav peb tug Tswv Yexu Kheto lub npe thov kuas mej suavdawg nyob sws hum hab tsw xob tawg ua paab ua pawg, hab thov kuas mej koom ua ib lub sab hab xaam pum ib yaam nkaus.

Tug tuabneeg muaj tswvyim nyob hovtwg? Tug xwbfwb qha kevcai nyob hovtwg? Tam nuav tug kws txawj sws caam txug txhua yaam nyob hovtwg? Vaajtswv tub ua rua lub nplajteb tug tswvyim ruag lawm los tsw yog?