Popular Bible Verses from Baromeŋ 14

Share

Na manjoonan, pşih pi Naşibaţi paanwo uko wi kande këme pdaan, pawo pi pwo naŧool, bŧiinkar na mnlilan mi Uhaaş wi Naşibaţi ujaaŋ uwul. Ñaaŋ anklemparuŋ Kriŧtu hënk, aji lil Naşibaţi, bañaaŋ babot kaŋala.

Woli ŋka ubida, ŋka wa pa Ajugun, kë woli ŋkeţi, ŋkeţ pa Ajugun ; hënk, woli ŋwo bajeb këme akeţ, ŋwo biki Ajugun.

Nawulën keeri ŋdo kala pdo uko unjaaŋ uţij bŧiinkar na bţënkar ţi pfiyaar.

Nawulën ŋţañan pdo kaji baŧënţ nja baduknaanaa. Nabiin ŋţëp ţëp ŋţu ŋşal ţi pwo ŋënkdo uko unkţijuŋ pjuban pi aŧënţ nja.

Upiiŧana ţi Ulibra wi Naşibaţi « Nji Ajugan anwooŋ najeb dţupan : bañaaŋ bŧi baluŋ kaŋup ţi kadun naan, bukal bŧi badëmanaan kadinan kë nji dwooŋ Naşibaţi ». Hënk, andoli ţi nja aluŋ kahepna ţi kadun ki Naşibaţi pa uleeful.

Nayeenkan ţi pŧoofan anwooŋ aando bi liinŧ ţi pfiyaar nawut kado kaŋom na a ţi iko yi aşaluŋ.

Iwo in ado ji nalempar ñaaŋ aloŋ alemp bnuura këme buţaan ? Woli alemp bnuura këme alemp buţaan uten anţu'uluŋ ulemp. Kë aşë luŋ kalemp bnuura ţiki Ajugun aka mnhina mi pţënka.