Popular Bible Verses from Aroma 8

Share

Ningĩ nĩtũũĩ atĩ maũndũ moothe nĩmathiaga wega harĩ arĩa meendeete Ngai, o arĩa eĩtĩire kũringana na ũrĩa we eendeete.

Nĩ gũkorwo ndĩ na ma atĩ gũtirĩ ũndũ ũngĩtũtigithania na wendo wake: ti gĩkuũ kana muoyo; ti araika kana aathani arĩa angĩ a kũũrĩa igũrũ kana maahinya; ti maũndũ marĩa me kuo rĩu kana marĩa magooka; ti indo iria irĩ kũũrĩa igũrũ kana iria irĩ thĩ kũrĩa kũriku mũno. Gũtirĩ kĩndũ o na kĩmwe kĩa iria ciombirwo, kĩngĩtũtigithania na wendo wa Ngai ũrĩa Kristũ Jesũ Mwathani witũ atũmĩĩte tũgĩe naguo.

O ũndũ ũmwe Roho naake nĩatũteithagia wonjeinĩ witũ, nĩ ũndũ tũtiũĩ ũrĩa twagĩrĩirwo nĩkũhooya Ngai. Roho we mwene nĩ we ũtũthaithanagĩrĩra, e na mũcaayo ũtangĩgweteka.

Maũndũinĩ macio moothe-rĩ, tũkiuge atĩa? Angĩkorwo Ngai arĩ mwena witũ-rĩ, nũũ ũngĩkĩrũa na ithuĩ?

Tondũ ũcio rĩu arĩa me thĩinĩ wa Kristũ Jesũ matingĩcooka gũtuĩrwo.

Gwathwo nĩ mwĩrĩ kũreehage gĩkuũ, no gwathwo nĩ Roho kũreehage muoyo na thaayũ.

No rĩĩrĩ, maũndũinĩ macio moothe ithuĩ nĩtũtooranĩĩtie biũ nĩ ũndũ wa ũcio watwendire!

Nguona atĩ mathĩĩna marĩa tũrona rĩu, matingĩhota kũgerekanio o na haniini na riiri ũrĩa tũkaaguũrĩrio.

Nũũ ũngĩtũtigithania na wendo wa Kristũ? Nĩ mathĩĩna, kana kĩeha, kana kũnyariirwo, kana ng'aragu, kana njaga, kana ũgwati, kana kũũragwo?

Naake Ngai, ũrĩa wonaga ngoro ciitũ thĩinĩ, nĩoĩ meciiria ma Roho, nĩ ũndũ Roho nĩ we ũthaithanagĩrĩra atheru harĩ Ngai kũringana na wendi wa Ngai.

Arĩa oothe matongoragio nĩ Roho wa Ngai nĩ ciana cia Ngai.

Nĩ ũndũ-rĩ, arĩa maathagwo nĩ mwĩrĩ meciiragia o ũhoro wa mwĩrĩ, no arĩa maathagwo nĩ Roho meciiragia o maũndũ ma Roho.

Ngai ũcio ũtaigana gũcaaĩra Mũrũ wake tiga o kũmũruta aamũrutire nĩ ũndũ witũ ithuothe, no akĩage gũtũhe indo iria ingĩ ciothe?

Roho ũcio nĩ mũira hamwe na maroho maitũ atĩ tũrĩ ciana cia Ngai. Tondũ tũkĩrĩ ciana ciake-rĩ, tũrĩ agai a iraathimo ciothe iria aigĩire andũ aake, na no tũkaagaya hamwe na Kristũ kĩrĩa Ngai atũire amũigĩire, nĩ ũndũ angĩkorwo nĩtũgũthĩĩnio hamwe na Kristũ, nĩtũkaagaya riiri wake o naguo.

Mũndũ ũrĩa wathagwo nĩ mwĩrĩ arĩ ũthũ na Ngai tondũ ndaathĩkagĩra watho wa Ngai, o na ndangĩhota kũwathĩkĩra.

Indo ciothe iria ciombirwo nĩcitheethũkaga cietereire rĩrĩa Ngai akaaguũranĩria ciana ciake.

Nĩtũũĩ atĩ o nginya rĩu ciũmbe ciothe itũũraga icaayaga i na ruwo rũnene o ta rwa mũtumia akĩheeo.