Popular Bible Verses from Aroma 14

Share

Nĩ gũkorwo Ũthamaki wa Ngai ti kũrĩa na kũnyua no nĩ ũthingu, thaayũ, na gĩkeno kĩrĩa kĩheanagwo nĩ Roho Mũtheru. Ũrĩa ũtungatagĩra Kristũ na njĩra ĩyo nĩakenagia Ngai na ageetĩkĩrwo nĩ andũ.

Twatũũra muoyo tũtũũraga nĩ ũndũ wa Mwathani, na twakua tũkuaga no ũndũ wa Mwathani. Nĩ ũndũ ũcio, twatũũra muoyo kana tũkue-rĩ, ithuĩ tũrĩ o a Mwathani.

Nĩ ũndũ ũcio rekeei tũcaragie maũndũ marĩa mareehage thaayũ, o marĩa mangĩtũteithia kũũmanagĩrĩria.

Nĩ ũndũ ũcio, rekeei tũtige gũcooka gũtuanĩra, no tũtue atĩ tũtigeeka ũndũ wa gũtũma mũndũ ũrĩa ũngĩ ahĩngwo kana agũe meehiainĩ.

Nĩ gũkorwo Maandĩko moigaga atĩrĩ: “Mwathani ekuuga atĩrĩ, ‘O ta ũrĩa niĩ ndũũraga muoyo, maru moothe nĩmagaaturio mbere yakwa, na andũ oothe nĩmakoimbũra moige atĩ niĩ nĩ niĩ Ngai.’ ” Nĩ ũndũ ũcio, ithuothe gũtirĩ ũtakaaheana ũhoro wake mwene mbere ya Ngai.

Amũkagĩraai mũndũ ũrĩa ũtarĩ hinya wĩtĩkioinĩ wake, no mũtigaakararanagie naake ũhoroinĩ wa maũndũ marĩa we mwene eetĩkĩĩtie no inyuĩ mũtimeetĩkĩĩtie.

Wee ũkĩrĩ ũ ũgĩtuĩre ndungata ya mũndũ ũngĩ? Mũmĩathi we mwene nĩ we wagũtua kana nĩhootanĩĩte kana ndihootanĩĩte. Atĩrĩĩrĩ, nĩrĩhootanaga tondũ Mwathani Jesũ nĩarĩ na ũhoti wa gũtũma ĩhootane.