Popular Bible Verses from Ndari 14

Share

Atĩrĩĩrĩ, mũtigookĩrĩre MWATHANI, o na mũtigeetigĩre andũ arĩa matũũraga bũrũriinĩ ũcio. Nĩtũkũmahoota narua, tondũ MWATHANI arĩ hamwe na ithuĩ, na nĩahooteete ngai iria imagitagĩra. Kwoguo tigaai gwĩtigĩra.”

‘Niĩ MWATHANI ndihiũhaga kũraakara, ndĩ tha nyingĩ, ndĩ mwĩhokeku, na nĩnjohanagĩra meehia o na mahĩtia. No rĩĩrĩ, ndikaaga kũherithia ciana na ciana cia ciana nginya rũciaro rwa gatatũ na rwa kana, nĩ ũndũ wa meehia ma aciari aacio.’

Angĩkorwo MWATHANI nĩakeneetio nĩ ithuĩ-rĩ, nĩegũtũtwara na atũhe bũrũri ũcio mwega na mũnoru.

No rĩĩrĩ, tondũ Kalebu ndungata yakwa arĩ na muorooto ũngĩ, na nĩakoreetwo e mwĩhokeku harĩ niĩ, nĩngaamũkinyia bũrũriinĩ ũrĩa aathiĩte gũthigaana, nacio njiarwa ciake nĩikeenyiitĩra bũrũri

Kĩmeere atĩrĩ, ‘O ta ũrĩa niĩ MWATHANI ndũũraga muoyo, ngũmwĩka o ta ũrĩa mũũrĩĩtie.

MWATHANI agĩkĩĩra Musa atĩrĩ, “Andũ aya megũtũũra maameneete nginya rĩ? Megũtũũra maagĩĩte kũnjĩĩhoka nginya rĩ, o na gũtuĩka nĩningĩĩte ciama nyingĩ gatagatĩinĩ kaao?

Magĩgĩtetia Musa na Harũni makĩmeera atĩrĩ, “Nĩ kaba tũngĩakuĩrĩire Misiri kana gũũkũ werũinĩ.

Naake Joshua mũrũ wa Nuni na Kalebu mũrũ wa Jefune, amwe a arĩa maarĩ athigaani, magĩtarũranga nguo ciao nĩ ũndũ wa kĩeha. Makĩĩra andũ oothe atĩrĩ, “Bũrũri ũcio tũrathiĩte gũthigaana nĩ mwega mũno.

No rĩĩrĩ, nĩngwĩranĩra atĩ o ta ũrĩa ndũũraga muoyo, na ta ũrĩa riiri wakwa ũiyũrĩĩte thĩ, gũtirĩ mũndũ o na ũmwe wa aya ũgũtũũra nginya agaakinya bũrũri ũcio. Nĩmooneete ũtheri mũnene wa riiri wakwa ũgĩkenga, o na nĩmooneete ciama iria ndaringire Misiri o na werũinĩ, no nĩmagereetie gũkirĩrĩria gwakwa maita maingĩ, na nĩmaregeete kũnjathĩkĩra. Matigaatoonya bũrũriinĩ ũrĩa ndeerĩire maithe maao. Gũtirĩ o na ũmwe wa arĩa mameneete ũkaawona.