Popular Bible Verses from Alawii 26

Share

Ngaakoragwo ndĩ hamwe na inyuĩ hĩndĩ ciothe; ngaatuĩka Ngai wanyu, na inyuĩ mũtuĩke andũ aakwa.

ngaamuuragĩria mbura ihinda rĩrĩa rĩagĩrĩire rĩakinya, nĩguo mĩgũnda ĩgaaciaraga irio, nayo mĩtĩ ĩciarage matunda.

“Mwarũmĩrĩra mawatho na mwathĩkĩre maathani maakwa

“Na rĩĩrĩ, nĩngaatũma mũikarage na thaayũ mũrĩ bũrũriinĩ wanyu, na mũkomage gũtarĩ mũndũ o na ũrĩkũ mũgwĩtigĩra. Ningĩ nĩngaamwehereria nyamũ ciothe ĩrĩ ũgwati bũrũriinĩ wanyu, na gũtirĩ mbaara mũkoonanaga nayo.

Na niĩ nĩngaamũraathima na ndĩmũhe ciana nyingĩ; nĩngaamũhingĩria kĩrĩĩkanĩro kĩrĩa ndarĩĩkanĩire na inyuĩ.

Niĩ nĩ niĩ MWATHANI Ngai wanyu ũrĩa wamũrutire bũrũri wa Misiri, nĩguo mũtikaanacooke gũtuĩka ngombo ciao rĩngĩ. Nĩ niĩ ndoinangire icooki rĩrĩa maamwĩkĩrĩĩte ngingo ngĩtũma mũthiage mwĩhandĩĩte wega.”

Nĩngaathondeka gĩikaro gĩakwa gatagatĩinĩ kaanyu, na ndikaamũtiganĩria o na rĩ.

Ningĩ MWATHANI akiuga atĩrĩ, “Mũtigaathondekage mĩhianano, kana mũhandage mĩhianano ya gwacũhio, kana itugĩ cia mahiga, o na kana mahiga macũhie nĩguo mũmathaathayagie. Niĩ nĩ niĩ MWATHANI Ngai wanyu.

Na rĩĩrĩ, mũgaakoragwo o mũkĩrĩa magetha ma mwaka mũkũrũ hĩndĩ ya magetha ĩgĩkinya, na nĩkweheria mũkeeheragia magetha ma mwaka mũkũrũ kuuma thitooinĩ cianyu nĩguo muone gwa kũiga magetha ma mwaka mwerũ.

andũ ataano aanyu magaatooragia thũ igana rĩmwe, nao igana rĩmwe magatooria thũ ngiri ikũmi.

Mũgaakoragwo na irio nyingĩ ũguo atĩ magetha ma thabibũ makaamũkoragĩrĩra mũkĩgetha o ngano, namo mahanda ma ngano mamũkoragĩrĩre mũkĩgetha o thabibũ. Mũkaarĩaga mũkahũũna na mũgatũũra na thaayũ bũrũriinĩ wanyu.

O nacio thũ cianyu nĩmũgaacitooragia

Menyagĩrĩraai Thabatũ ciakwa na mũheage gĩtĩĩo handũ haakwa harĩa haamũre. Niĩ nĩ niĩ MWATHANI.