Popular Bible Verses from Thaama 9

Share

No kĩrĩa gĩtũmĩĩte ngũtũũrie muoyo nĩguo nguonie hinya wakwa, nĩ geetha ngumo yakwa ĩtaambe thĩ yothe.

Ningĩ MWATHANI akĩĩra Musa atĩrĩ, “Thiĩ kwa mũthamaki ũmwĩre MWATHANI Ngai wa Ahibirania ekuuga atĩrĩ, ‘Reke andũ aakwa mathiĩ, nĩ geetha magaathaathaiye.

Nĩ amu-rĩ, ingĩatambũrũkirie guoko gwakwa ngũhũũre na mũrimũ wee mwene o na andũ aaku-rĩ, rĩu mũngĩrĩ aniine o biũ.

nĩngũkũherithia na ũndũ wa kũreehithĩria ũhiũ waku, ũguo nĩ ta kuuga: mbarathi ciaku, ndigiri, ngamĩĩra, ng'ombe, ng'ondu na mbũri ciaku, mũrimũ mũũru mũno. Na rĩĩrĩ, nĩngwamũrania ũhiũ wa Aisiraeli na wa Amisiri, nĩ geetha gũtikaagĩe nyamũ o na ĩmwe ĩgũkua kuuma ũhiũinĩ wa Aisiraeli.

Atĩrĩĩrĩ, rũũciũ mathaainĩ o ta maya, nĩngoiria mbura nene mũno ya mbembe, ĩrĩa ĩtarĩ yonwo bũrũriinĩ wa Misiri, kuuma hĩndĩ ĩrĩa wambĩrĩirie gũtũũrwo nginyagia rĩu. Kwoguo-rĩ, athana ũhiũ waku na kĩrĩa gĩothe kĩ nja gĩtoonyio handũ hagitĩirwo, nĩ amu mbura ya mbembe ĩkũũrĩra andũ oothe arĩa megũkorwo nja ĩmoorage, o ũndũ ũmwe na nyamũ ciothe irĩa itegũkorwo itoonyeetio handũ hagitĩirwo.’ ”

Naguo mũhu ũcio nĩũgũtuĩka rũkũngũ rũceke rũiyũre bũrũri wothe wa Misiri, na nĩrũgũtũma kũndũ guothe andũ o na nyamũ manyiitwo nĩ mahũha marĩtũrĩkaga ironda.” Kwoguo Musa na Harũni makĩoya mũhu kuuma riiko, makĩrũũgama mbere ya mũthamaki. Naake Musa akĩũminja na igũrũ, naguo ũgĩtuĩka mahũha maatũrĩkaga ironda mĩĩrĩinĩ ya andũ o na ya nyamũ.