Popular Bible Verses from Thaama 23

Share

Angĩkorwo nĩmũrĩthaathayagia niĩ MWATHANI Ngai wanyu, nĩndĩrĩmũraathimaga na irio na maaĩ, na ngeeheria mĩrimũ gatagatĩinĩ kaanyu. Bũrũriinĩ wanyu-rĩ, gũtirĩ mũtumia ũkaahuna kana athaate. Nĩngaamũhe ũtũũro mũraihu.

“Na rĩĩrĩ, nĩngũrekia mũraika mbere yanyu amũgitagĩre mũrĩ rũgendoinĩ na amũkinyie kũndũ kũrĩa ndĩmũthondekeire.

Mwamwathĩkĩra na mwĩkage ũrĩa wothe ndĩrĩmwathaga, nĩndĩrĩhũũranaga na thũ cianyu ciothe.

Ningĩ ndũkaanarũmĩrĩre mũingĩ atĩ ũgeeke ũũru hamwe naguo, kana ũheane ũira wa gũthũũkia waragania atĩ nĩguo ũnyiitanĩre na mũingĩ. Ningĩ ndũkaanathuutũkanie mũndũ mũthĩĩni ciirainĩ wake.

“Ndũkaanameemerekie ndeto cia mũhuuhu, o na ndukaanateithĩrĩrie mũndũ mwĩhia na njĩra ya kũheana ũira wa maheeni.