Popular Bible Verses from Isaia 33

Share

Nĩatũmĩĩte mũgaacĩre matukũinĩ maanyu na akamũhe ũhonokio, ũũgĩ, na ũmenyi wa maũndũ. Ũtonga ũrĩa mũnene wanyu nĩkũhe MWATHANI gĩtĩĩo.

MWATHANI tũtugage, we nĩ we twĩhokeete. Tũgitagĩre mũthenya o mũthenya na ũtũhonokagie hĩndĩ ya mathĩĩna.

Nĩ gũkorwo MWATHANI nĩ we ũgaakoragwo arĩ mũtuithania witũ, nĩ we mwathi witũ nĩ we ũgaakoragwo arĩ mũthamaki witũ, na nĩ we ũgaatũhonokagia.

Mũndũ ũrĩa wĩkaga maũndũ ma ũthingu, ũrĩa waragia maũndũ ma ma, ũrĩa ũteendaga kũhinyanĩrĩria, ũrĩa ũtatambarũkagia guoko aamũkĩre mahaki, ũrĩa ũteendaga kũigua ndeto cia mbaara, na ũrĩa ũtakenagĩra ũũru, mũndũ ta ũcio nĩ we ũrĩtũũgagĩrio, arĩikaraga agitĩirwo ta arĩ nyũmbainĩ cia kwĩgitĩra ciakĩĩtwo na thingo cia hinya, na ndarĩ hingo arĩagaga gĩa kũrĩa na kũnyua.