Popular Bible Verses from Romarane 12

Share

Og skikka dykk ikkje likt med denne verda, men lat dykk omskapa ved at de får eit nytt sinn og kan døma om kva som er Guds vilje: det gode, det hugnadlege, det fullkomne.

Så legg eg dykk på hjarta, brør, ved Guds miskunn, at de må bera fram lekamen dykkar til eit levande og heilagt offer som er til hugnad for Gud. Det skal vera dykkar åndelege gudsteneste.

Ver glade i vona, tolmodige i trengsla, trottige i bøna.

Lat ikkje det vonde få vinna over deg, men vinn over det vonde med det gode!

Elska kvarandre inderleg som sysken, og set dei andre høgare enn dykk sjølve.

Lat kjærleiken vera ekte, sky det vonde og hald dykk til det gode.

Er det råd, så hald fred med alle menneske, så langt det står til dykk.

Ta ikkje hemn, mine kjære, men overlat straffa til Gud. For det står skrive: Straffa høyrer meg til, eg skal gje attergjeld, seier Herren.

Ver ikkje lunka i dykkar iver, ver brennande i Anden; ten Herren!

Ved den nåden eg har fått, seier eg til kvar einskild av dykk: Gjer deg ikkje større tankar enn du bør, men bruk vitet ditt og ver visleg! Kvar og ein skal halda seg til det mål av tru som Gud har gjeve han.

Gjev ikkje nokon att vondt for vondt; legg vinn på det som godt er for alle menneske.

Ver samlyndte, trå ikkje etter det høge, men hald dykk gjerne til det låge. Ver ikkje sjølvkloke!

Men det står òg: Er din uven svolten, så lat han få mat, er han tyrst, så gjev han drikke. Gjer du det, samlar du gloande kol på hovudet hans.

Velsigna dei som forfylgjer dykk, velsigna og forbanna ikkje. Gled dykk med dei glade, og gråt med dei som græt.

Ver med og hjelp kristne som lid naud, og legg vinn på å vera gjestmilde.

Vi har ein lekam, men mange lemer, og alle lemene har kvar sine oppgåver. På same måten er vi alle ein lekam i Kristus, men kvar for seg er vi lemer for kvarandre.