Popular Bible Verses from Ordtaka 3

Share

Lit på Herren av heile ditt hjarta, og set ikkje lit til ditt vit! Tenk på han kvar du ferdast, så gjer han dine stigar jamne.

Ver ikkje klok i eigne augo, ha age for Herren, og hald deg frå det som er vondt!

Æra Herren med det du eig, med fyrstegrøda av all di avling. Då vert di matbu rikeleg fylt, og druesafta renn over i kummane dine.

Lat aldri godleik og truskap fara, men bind dei om din hals, og skriv dei på di hjartetavle!

Son min, vanvørd ikkje Herrens tukt, miss ikkje motet når han refser! For Herren tuktar den han elskar, som ein far refser den son han har kjær.

Gløym ikkje det eg har lært deg, son min, ta vare på mine bod i ditt hjarta! For dei gjev deg mange dagar og år og gjer di lukke større.

Sæl er den som finn visdom, det menneske som vinn godt skjøn. Det er betre å få seg visdom enn sølv, den vinning han gjev, er større enn gull. Dyrare er han enn perler, av alle dine skattar er ingen som den.

Gjer vel mot dei som treng det, nekta ikkje å hjelpa når det står i di makt!

Herren grunnla jorda med visdom og reiste himmelen med skjøn.