Popular Bible Verses from Romans 4

Share

Edo Abraham uso gebe ari awa doae isira. Edo umo iji berari God gebe isira edo umo God da adi sari ainda kotari jiwae aera. Edo uso tumonda ari mi jo goroba edo God jasiga borega isira. Edo Abraham umo gosisira God uso adi sari awa adira awa.

Edo God mi ge ainda jawo da jiwari joda sisira, “Nanemi ano embo busu berari da atima era amimi iso orobe adera.” Edo God umo umosuka adi sari eiawa sisira, embo amemi busu rawainda ainda Abraham God gebe isira God awa gebe adera embo awa Abraham da orobe adera. Unemi bebetegari awa euri wasiri de sekago erido era. Edo umo ro adira awa sedo ira teta matu ari awodo.

Edo God ingodenaso wasiri bebegae awasedo Iesu itiri bebetisira. Edo Iesu betetiri God umo ari ingodena ungae da umo jigari ewamei orase sedo God sekago Iesu etiri eririsira.

Edo God mi Abraham da yei sisira, “Iso orobe da ajigari awa neingo atae be teta damana da awodo adera.” Edo Abraham adi sari awa ingisira edo ari sago ae awodo awa gosisira te umo God gebe ise umo ro adi sisira awa petedo isira. Edo umo awodo gebe edo umo embo jiwae be da umbogo isira.

Edo God mi Abraham da yei ro itadi sisira awa umo embo umo tumonda edo era embobo berari ainda yei itido ira te Jew embobo God da agodari ge sisira awa kera edo era embobo ainda da aera te embo berari God tumonda edo era teta Abraham mi isira da awodo edo era ainda yei. Edo emboro ainda ingodena Abraham awawa ingodenaso nombo ewowo sedo era.

“Embo amenda wasiri bebega awa God mi tupedo edo kotembedo dodo ira embo awa iaviri edo ira. Edo embo awa God mi umo wasiri bebegae ae awodo gido ira embo awa iaviri edo ira.”

Edo ingo gosewa awa jiwari mi sira, “Abraham awa God gebe isira awasedo God Abraham gosise sisira embo eiawa nangae da umo jigari ewamei be ira sisira.”