Popular Bible Verses from Romans 14

Share

Edo ingodena God da gitijigari da iji awa sera te ingodena agodari eiawa indose awawa indio awa saera awarate ingodenamone Asisi Kotopu mi ewamei ari ingodenaso yei itido ira ainda ge awa sera. Edo unemi ingodenaso yei itido ira awa ewamei atari de jo jamo jamo de edo iaviri de awa. Edo embo amemi awodo Keriso sapo adira gido awa amimi ari God iaviri adira edo ari embo nenei mi umo ro ira awa ewamei ira awa sadera.

Awarate ingodena wasiri de atadera awa Keriso awa ingodenaso bajari ra edo ingodena betadera awa Keriso awa daedo ingodenaso bajari ra.

Awasedo ingode iji berari edo gido ro ingode oro embo nenei jo jamo jamo aderi edo oro embo nenei ungoda gebe ari awa goroba aderi awa ore.

Awasedo ingode bekuba mina ara ari awa doadera. Edo ingo re eiedo kotedo adewa gaegae awo ingoda nanonamendi wasiri bebegae eorase edo gogo edo atiwo.

Ko jiwari mi sira, “Bada God mi sira nanemi ingoda yei sena embo berari mi naso joda baingo dederi adera edo embo berari mi na awa God sadera awodo adira.” Awasedo ingodena berari awa God da dombu da derido edo uso yei da ro isera edo ro awasedo iseri isaga adira.

Embo uso gebe ari awa goroba ae ira awa atega ise ungae da otao ewo. Edo uso de iso kotari ewa de biae de awa ewoga ewoga ari gido umo tu beose.

Edo imo embo nenei da agipo embobo mi ewamei iri ta ko biae iri awa gido awara etesa awara sari embo aera. Te bajari uso topo mi umo ewa ita biae iri awa awara sare. Edo Bada Iesu Keriso mi umo jigari erido edo goroba de deradira.