Popular Bible Verses from Galatians 5

Share

Awarate be Asisi Kotopu mi ira amone gari nei na. Edo Asisi Kotopu mi be ira amone dubo bari, iaviri ari, jo jamo jamo ari, sapoa ari, embo nei kondade ari, edo ewamei ari, gebe sari, tini gambari ari ae, edo jo da dipapa bebegae awa ae ari. Edo ro Jew embobo da agodari ge mi sira awodo awa rora eiawa adewa awa awara sira.

Na ingoda yei sena Asisi Kotopu mi ingoda yei ro sira da awodo atiwo. Edo awodo atadewa awa ingoda joda dipapa bebegae mi ro awase sira awa mana adewa.

Edo Asisi Kotopu mi wasiri seka ingodenaso yei ititirari ingode Asisi Kotopu kera ise uso emboro da pepeta ore.

Edo embo ave Iesu Keriso da topo awa ungo awa teta ungoda kotari jo da bebegae awa orega da dari inge isera.

Edo ingo ingoda joda kotari bebegae mi ro awase sira awa isaga be gosewa. Edo kotari bebegae re eire, dita ari, viro ari, wasiri bebegae, ove kekevegari tumondebain ari, inja ari, edo gitopo mina ara ari, embogo ari, ge bagari, embo nenei ji sari, tini gambari ari, edo embo nenei kondade ae ari, embo nenei da rora dipapa ari edo ewoga ewoga ari edo umo okain indido jiro bebegae ari, umo okain indido wasiri bebegae ari. Edo na matu ingoda yei wasiri bebegae eiawa ari da ge awa sisena te na boroko sekago sena awasedo ingiwo embo ave wasiri bebegae eiawa era awa mana God da gitijigari iji da ewamei awa badira.

Edo naso nanonamendi ingo agipo ewowa awa doawase sedo God mi ingo jawo sisira. Awarate agipo ari awa atae edo ingo ro dipapa ewa awa adewa awa kotove. Edo ingo God ingo dubo burira awasedo sapo mina ara ewo.

Edo ingoda joda kotari bebegae de edo Asisi Kotopu de mi ro awase sira rora etoto eiawa buro da awawa aera. Edo rora etoto eiawa gitopo edo era awasedo Asisi Kotopu mi ingo gitijigadira awa ingo mana ingoda joda kotari bebegae mi ro awase dipapa ira awa adewa.

Ko agodari ge da mi agodari ge nei da be awa ujugurira. Edo ge da re eire, “Imo imosuka dubo buresa da awodo embo nenei dubo buio.”

Edo ingode mana jariga embobo awodo mana adera edo ingode ingodena awa embo nembogamo sise embo nenei awa embo memeinya mana sadera edo ingode mana ji mina sara adera.

Ingodena agipo embobo ewora awa atae orase sedo Keriso mi ingodena wujegedo soregurisira. Edo ingo awa boroko embo God mi soregurisira embobo awa ra awasedo ingo sekago agipo embobo eosase sedo goroba edo derido atiwo.