Popular Bible Verses from Lomu 4

Share

Goti lo molo edaibo ha yagunu holito holi aifa idafa itámibo, holi hikito mumo yoibo mona yakafo li auba i edaito, Goti huliya li faka loto, ya lo molo edaibo hawa ya hulawa li oloto pinaibo aubala ne, loto auba ito holibo

Aya yagunu ya feto libo, Mikau-mikau wenina muki ya awatinafo-holofatina minanane, loto fulo hedowe, loto ha mono lufuwau nebo ha ya Goti onobalalo moda ona hula gedibo ha ne. Aya Goti holi hikito muibo, ya fuliyabo wenina li hofawa o betito, ido idafa ma minámibo ya aifa oloto piyo, loto li oloto pibo we ya ne.

Nosámibo mona molonibo yagunu Goti Hipala fulinaiye, loto fulo edaiye. Ido monatina fefe libo wenina minae, loto lo betinowe, loto lemogunu holito ya fuliguti li sinoi edaibo ne.

Abalahamukafo Goti lo molo muibo hawa ya hulawa igaidana oto fedanaiye? loto holámifa, ido auba ito holi hikitoto hawa hulawa moda fedanogolaiye, loto holito hiyabala o ne. Aya hawa feto loto lo molo muibo, Yufa finanibo wenina feti minomo unabo ne, loto ha mono lufuwau ya nebo ne. Ido yaloti ha ma yagi feto loto lo molo muibo, Mikau-mikau wenina muki ya awatinafo-holofatina minanane, loto ha mono lufuwau yagi nebo ne.

Feito Gotikafo Abalahamu yufa fibo wenina muki yagunu holito, ya lo molo bibo ha ya hulawa emodoka fedanaiye, loto aifa li dowa lo ledaibo monala yakafo weune fi betiyowe, loto, ya holi hikito muwabo yagunuko lo molo bibo ne. Ido Abalahamu yufa fibo wenina muki yagunu libo, ya lo molaibo hawakafo hiyaba o betibo wenina yagunuko ladámiye. E’e, Abalahamu holi hikitibo monalo meyalo molabo wenina muki yagi Abalahamu ya awatefo-holofate makoma nenako, yagunu lo molo bibo hawa ya hulawa moda lemodoka maina fedanaiye.

yaidana wenina yagunu feto libo, Wenina ma lo molaibo ha metina muwabo mona lifimatina ya hilili oto, nosámibo monatina li fulo betibo wenina ya moda dowa loti holi minae. We ma nosámibo monala yagunu Wenabakafo lifima liwila oto li umámanaibo we ya moda dowa loto holi minanaiye, loto ha mono lufuwau ya nebo ne.

Aya yagunu ya ha mono lufuwau ya neidafaiye liye? Abalahamukafo Goti holi hikito muibo yagunu monala fefe libo we ne, loto lo edaibo ne, loto ha mono lufuwau ya nebo ne.