Popular Bible Verses from 1. Mosebok 39

HERREN var med Josef og lét det lukkast for han. Han vart verande i huset til den egyptiske herren sin.

Han lét Josef ta hand om alt han eigde, og gjorde seg ingen suter, anna enn for maten han åt. Josef var velskapt og vakker.

Han lét Josef ta hand om alle fangane i fengselet og alt som skulle gjerast der.

Han tok Josef og sette han i fengselet der fangane til kongen sat i lenkjer. Han vart sitjande der i fengselet. Men HERREN var med Josef og viste han miskunn. Han lét han finna godvilje hos styraren for fengselet.

Ei tid etter hende det at kona til herren kasta auga sine på han. «Ligg med meg!» sa ho. Men han ville ikkje og sa til henne: «Sjå, herren min treng ikkje gjera seg suter om noko i huset, han har late meg ta hand om alt. Han er ikkje større i dette huset enn eg. Han har ikkje nekta meg noko utan deg, sidan du er kona hans. Korleis skulle eg då kunna gjera noko så vondt og synda mot Gud?»

Så hende det ein dag at han kom inn i huset og skulle gjera arbeidet sitt. Ingen av husfolket var inne. Då greip ho fatt i kappa hans og sa: «Ligg med meg!» Men han rømde ut av huset og lét kappa vera att i hendene hennar.