Popular Bible Verses from Garesia 6

Share

Gur arwananah ihirnong asoh yah da apris panggeitin ohe danong oh garhapri. Ihirnonghe kasip ham pan hat orhorwi panggeit paptenmur. Na garham imat panggeipti tei oh kaput dam timdiporhan datin oh gurhe yah dam datiprimur.

Ihtin ohoh ihan panggeitin hatin hat ma pati ihirnong asohhe gonsi panggeinmur. Panggeitinmat oh Got ohwi inahatin hatin hanwa ma dahapti han ihirnong oh isip mat orhor panggeinmur.

Guragure ruumsup hat pati da oh gospanggeit sashenmur. Ihat ma sapti oh Krais orhe napotipru hatwi saptimur.

Gur nure ma ihapti da oh dam na timdiprakin dahapri. Basra. Got ohnong na dasuh matin han ohoh ihan gur ihat dahapri. Dire dahe irat gwe ma sakmatperhan ama han orhor dam timapat hatin hat pati sa dahenmur.

Amaru gur ina teimdapat Noh ihahneng ihahneng dahapti er da apripathanhe Gin noh ama apir danong oh hatpora daham ama ina teimdapat apir er danong oh dindeiyahanhe gur er irat gwe sakmatperhan ma er dam timapatru hatin hat orhor er dam timdipramur. Er dam oh ihat timama timbas nahatipramur. Yahsup orhe naporpat danong moh amram dimtipora daham dimat ayahanoh ama ihya ohe dam timapramur. Dam ma timapra oh Yahsup oh eimat yah hat paten dasi nahatporhan eimat yah hat paten dasi hat pateprimur.

Nohe taptem Yahsup oh yah mat napapat han gurdapat wandeiyaoh guragur tit uh tit er hat sus ambir tapan pat hatin hat pathan gur Got orhe nita moh noh panggeitpora daham ahar daphoma yah teinong matinmur. Nohe boknonghe ihtin da nahatipra daham ahar inin hat patim orhor arpim yah teinong matinmur.

Gur ihtin han hat na patin orhor guragure damdapat Noh ihtin hanmur dahayahanoh guragure danong dasuh deiptimur. Ihan gorhe ihpat da oh pomat sam dahenmur. Daham amam henmur. Ire ma ihaptinong asohhe asama Ihir ihat patihe. Nohe ma pat oh ire ihat pati da moh hatin hat na pat moh noh yah hat pat ma hapat daham sapri. Gorhe ma ihat patnongwi daham satinmur. Sama gorhe da oh er hat pathanhe gorhor yah tahatinmur.