Popular Bible Verses from 2 Kolin 12

Share

lêc Apumtau nêl vô a ên nêbê, “A ob vô vêl lêm, ên xêyaa vin lecên wê a vông ge tɨyi ông pyap, dɨ xêkɨzêc wê a vông ge ob vô levac vô xomxo xêlehelehe.” Apumtau nêl bêge vô a, om a ob dô hɨxôn xêgyaa nivɨha dɨ hi vɨxag i pec ên wê a nêg xêkɨzêc ma ge, ên xêkɨzêc wê Kɨlisi vông ge i hɨvun a xôn.

Om a nêg xêkɨzêc obêc ma dɨ xomxo obêc nêl kɨyang nipaên vô a, dɨ a obêc tulec vɨyin ya, dɨ xomxo obêc nêb vông a vô nipaên, dɨ a obêc kɨlê vɨyin vɨyang vɨyang lec Kɨlisi lê ge od a xêgyaa ob vô nivɨha, ên buc wê a dô xêlehelehe ge od Kɨlisi ngɨdu a xôn dɨ a dô xêkɨzêc.

Vɨxôhɨlôg, a obêc nêb yong a ge od a ob nêl kɨyang i tɨyi xocbê xomxo yacyac mi nêl ge lêm. Nge, kɨyang wê a ob nêl ge, a ob nêl kɨyang nôn. Lêc a ob yong a tibêge lêm, ên a nêb xomxo ti i o lêc ngô kɨyang wê a ob kô a lec ge dɨ nêl bê a xomxo nivɨha lêm. Nge, a nêb xomxo i yê môp wê a mi vông ge dɨ ngô kɨyang wê a mi nêl ge dɨ xovô a. Vɨvia wê Anutu hɨlung vô a ge, nivɨha yang, lêc Anutu nêl ên nêb a o lêc yong a lec vɨvia tige lêm, om vông myavɨnê ti vô a xocbê yin vac a nignɨvi. Myavɨnê tige tɨyi xocbê Seten nu yuac ti lam hi a, ên Anutu nêb a o lêc kô a lec lêm.