Popular Bible Verses from Roma 11

Share

Weo Allai meiri niari finini kiai ne. Tuti fi kiai nini da na I ma, tuti we I kontai. Sambewaraio dadai feai we Allai we fitawafa! Antu!

Oh! Tarai paria, we Allai fianai aino neng fo werorong paria, Ne awaifo tuti ne biriufo fuba paria! Ne kiutu kaiwo fo manei tefu kaha, Tuti ne yufi toa fo manei wiro deti maia kaha.

“Mandoni dino deitawang Sempaisi enetituaitafo ne, Ete mandoni dino dohong kaiwo aunau weia ne?”

Tonanai kontai we na ninai, inontarai Israeli efau fosa eroasoa kaha, wape maneiru teaio Allai dirisa na dohong ne bengfo arora wesa ampa, ambori eroaso Yesusi kontai. Dirisa tonanafo kariri ne beng dohonai arora fo terai, wiro kariri inontaraifo ene erurai we enari beng fo kaha. Weo masino Allai dirisa tonanafo kariri ene enarifo mani, ne bengno dohonai arora fo nanai wiro ahuai we ne beng fine aha kaha.

Ai saituni foi arirawangfeai ferang kahutuai ampa, amani inontarai Yahudi manea ehatai weru Allai. Ea ene tarai toyari ai arawangfo we ferang kahutuai weru robongfoia fo. Tuti na katai ferang kutuai naya fo, Allai kia ai saitunio tifu funoma feai arawangfeai ma samu riwani na katai nanai aweu, amani doroio Yahudi kaha wa mea. Allai sahu mea na nanai ambori mea kontai menumiruainso fiang mahikai we Yahudifosa fo, amani fiang da na ai saituni newa foi meai fo. Mearomioaifa we mea mani ai arawang di mea tuti kaiwasa Yahudi fosa mani ene tarai kariri ai newafoi we mea. Meaino metohong fiang we ai newafoi kaha, mae newafoi dino dohong fiang we mea. Ampafe wiro mesahutawang mano Allai deiayasa to boriei toyari ferangkutusa weru ai robongfoia nanisa fanai.