Popular Bible Verses from Filipiyankooɓe 2

Share

Pati ngolliree huunde fuu haasidaaku naa haawtaade dow pene, ngolliree leyɗinkinaare, yalla gooto fuu ana jogoroo hoore mum banndum ana ɓuri ɗum. Pati fay gooto laatoo hammadi haaje mum tan, ndaarta nafaa woɓɓe ɓee duu.

Yo anniya Iisaa Almasiihu tawe e mon

Kanko, fay so taweede mbaadi Laamɗo ana e makko, o tuugaaki e majjum faa o heddoo fotude e Laamɗo, o famɗinii hoore makko, o ɓami mbaadi maccuɗo, o laatii hono neɗɗo. O jogoraa o neɗɗo o leyɗinkinii, o ɗowtanii Laamɗo faa o maayi, o maayi e dow leggal bardugal.

Sabi Laamɗo ana golla e mon faa muuyon ko weli ɗum, ngollon ɗum.

Saabe ɗum kasen, Laamɗo toownii mo faa sanne, hokki mo innde ɓurnde inɗe fuu, yalla koppi fuu ana koforoo saabe innde makko to tawaa fuu, so dow kammu so dow leydi so ley leydi, yalla gooto fuu ana sellina Iisaa Almasiihu woni Joomiraaɗo, faa Baabiraaɗo men Laamɗo teddinee.

E ko ngollaton fuu, pati ŋermondiree pati ndukidee, yalla oɗon laatoo laaɓuɓe ɓe ngalaa ɲiŋe, laato-ɗon ɓiɓɓe Laamɗo ɓe ngalaa ayiibe hakkunde yimɓe hannde ooɲiiɓe bonɓe. On pooynan hakkunde maɓɓe hono no koode pooyniri ley aduna nii

Ɗum e taweede, sakiraaɓe am horsuɓe, nde ngondunoo-mi e mon ndee, oɗon ɗowtanii Laamɗo wakkati fuu. Sako jooni nde ngoɗɗitii-mi, nden kaan-ɗon ɓurde ɗowtanaade mo. Njirwiniron hono non kisindam ɗam Laamɗo hokki on ɗam, ngaɗiron ɗum kulol e siɲɲugol.