Popular Bible Verses from 2 Korintunkooɓe 6

Share

Pati kaɓɓondiree e ɓe ngoonɗinaali ɓee, sabi eɗum wa'i hono no reentinde daabaaji ɗiɗi ɗi ngaldaa faa ndemda. Won ko reentini fooccitaare e ooɲaare naa? Won ko reentini fooyre e nimre naa?

Aadi won hakkunde suudu Laamɗo nduu e tooruuji ɗii naa? Anndee, enen ngoni suudu Laamɗo guurɗo oo. Sabi Laamɗo wii: «Mi hoɗidan e maɓɓe, mi yiilodoto e maɓɓe, mi laatoo Laamɗo maɓɓe, ɓe laatoo yimɓe am.»

Ɗum saabii so Joomiraaɗo wii kasen: «Iwee hakkunde maɓɓe! Ceertee e maɓɓe! Pati memee ko soɓi! Nden, mi jaɓɓoto on. Mi laatanto on baaba, laatano-ɗon kam ɓiɓɓe rewɓe e worɓe. Ɗum Joomiraaɗo Jom Baawɗe oo wii.»

Won ko reentini Almasiihu e Ibiliisa naa? Won ko reentini goonɗinɗo e mo goonɗinaali naa?