Popular Bible Verses from Valoma 8

Share

Tundimanya napane kwa avalá vannagwalédya Nnungu ankuvatandela uti kwauwambone, vo vávashamile kwodananavo malotelo ake jo mwene.

Mwaa ninkuvanavo wakika kenga i kupela, i shingumi, i vanjelo, i vakutawala, i vyaambi apa, i vilóta kwida, i lyululilo, i kushanya, i pai na ata kwali shiumbi shoeshoe shilóta kuulula kutwapukanianga na linagwaledyo lyake Nnungu lipagwíte nkati mumwe Klistu Yesu, UMU wetu.

Nimumo momo Imumu inkutupwashela nkati mukudabadabanga kwetu mwaa hatunamanya shinu shakwashi shakushwalidya kanji jo mwene Imumu ankutujugwila wetu kwakukuta kúkaululika kuvalanganga.

Napane tuushidashi kwamwaa wavinu avi? Ikava kenga Nnungu ankupagwa upande wetu, nyani álota kutupinga?

Napavedoni ambi apa hakupali kuukumigwa kwa avalá vavéle nkati mumwe Klistu Yesu

mwaa ding'anong'ano dyashimunumunu ni kupela napane ding'anong'ano dya Imumu ni shingumi na amani.

Kanji kwavinu avi uti tunkuva tuvakutema kupunda apo kwaindila imwe aijá átunagwaladidye.

Mwenu, nangu ninkuvalangila kenga mauvilo átupata muwakati au watuvele, havaikidile kulinganianga na lishangelo lilóta kulilodya nkati mwetu.

Nyani álota kutwapukanianga na linagwaledyo limwe Klistu? Da ilota kuva tabu, kwali mauvilo, kwali kupapatigwa, kwali indala, kwali wou, kwali shijoidyo, kwali lyambila?

Napane aijá álalyanga mitima, nae ankumanya ding'anong'ano dya Imumu pakuva Imumu ankuvajugwangila vakwilimyanga kwodananavo malotelo ake Nnungu.

Mwenu, uti avalá valangalalégwa kwa Imumu wake Nnungu ni vanavake Nnungu.

Mwenu, avalá vanáma kwodananavo shimunumunu, vananapela ding'anong'ano dyave muvinu vyashimunumunu kanji avalá vanáma kwodananavo Imumu, ding'anong'ano dyave vananapela muvinu vya Imumu

Aijá ákammikidile shitete Mwanagwe kanji aninkamudya kwamwaa wetu uti, napane haulula kutupa vinu uti monyo pamo namu nae?

Jo mwene Imumu ankumya ushuda kwaimumu yetu kenga wetu ni tuvanavake Nnungu na ikava kenga tuvanavake, bai ni tuvakupata-maleko, upande unji kumwe Nnungu na upande unji pamo namu Klistu ikava kenga mwiu tundáuvauvanga namu nae pakulota lishangelo tupate pamo namu nae.

Doni, ding'anong'ano dyashimunumunu ni umongo kwake Nnungu mwaa hadinalivika shinu mwina mwake lilamulo lyake Nnungu na ata hadinaulula kutandedya.

Doni, shuumbígwe uti shinkulindila na mweshe kulilodya kwavanavake Nnungu.

Mwenu, tunkumanya doni uti shuumbígwe mpaka ambi shinkukuta pamo mumauvilo akushuluwa