Popular Bible Verses from Valoma 6

Share

Mwaa nshala walidambi ni kupela kanji inudyo ya Nnungu ni shingumi shíkamalilika nkati mumwe Klistu Yesu UMU wetu.

Mwenu, lidambi halintawala pakuva mwenu hamunatawaligwa shinu na lilamulo kanji munkutawaligwa na umonyo.

Napavedoni wetu tundishikigwa pamo namu nae kwaindila yaubatisho utuukanavo kukupela kwambangidya kenga mo mwavandyuwididye Klistu pakati pavakupela kwaindila yalishangelo lya Tatamunu, nawetu momo tuname mushingumi shaambi.

Hamunajaule dimbande dyenu dyamili kwalidambi kenga vikalelo vyaungave-shaliya kanji lijaule kwa Nnungu kenga mmanu wavantwete mukupela kuka mushingumi na jaula dimbande dyenu kwa Nnungu kenga vikalelo vyaishaliya.

tumanya kenga umunu wetu wakala undipambililigwa pamo namu nae pakulota dashi, mili walidambi utimbikange kwambangidya hatunatandegwe kavili vatumwa validambi

Nadoni namwenu momo livalangile kuva mmakupela kwalidambi kanji mmakunama kwa Nnungu nkati mumwe Klistu Yesu.

Napanelo tuushidashi? Da tuke mushu tupagwa mulidambi kwambangidya umonyo wake Nnungu wanjadyeke? Ata padyoko vela! Wetu túpadile kwalidambi tulota kuka dashi mushu tunama nkati mulidambi?

Mwenu hamumanyite do, mukalijaula kwamunu kenga mmatumwa mmakwigwilila, mwiu mundava mmatumwa wamunu aju wamumwigwilila kwali kwalidambi liidanavo kupela kwali kwakwigwilila kwidanavo ishaliya.

Kanji napane lilambwalalelo live kwa Nnungu, mwemwe mwe muvéle mmatumwa validambi mundyuka ndaigwilila na mitima vyenu mpano wamapundisho alalá avankamudidye. Mwenu mwàmbwalagwidye avi mulidambi, munditandegwa mmatumwa vaishaliya.